തിരുവനന്തപുരം: കേരളത്തിലുള്ളത് അടിപൊളി റെയില്‍വേ എന്ന് കേന്ദ്ര റെയില്‍വേ മന്ത്രി അശ്വനി വൈഷ്ണവ്. മൂന്നും നാലും മടങ്ങാണ് കേരളത്തിനായുള്ള റെയില്‍വേ ബജറ്റ് വര്‍ധിപ്പിച്ചത്. കേരളത്തിലെ റെയില്‍വേ അലൊക്കേഷന്‍ പ്രധാനമന്ത്രി വര്‍ധിപ്പിച്ചെന്നും കേന്ദ്രമന്ത്രി പറഞ്ഞു.
Also Read: പഠിച്ചു വെച്ചോ.. എഐക്ക് മുന്നിൽ മുട്ടുമടക്കാത്ത ഒരേ ഒരു ജോലി !
മംഗലാപുരം -കാസര്‍ഗോഡ് -ഷൊര്‍ണ്ണൂര്‍ നാല് വരി ആകുന്നത് ആലോചനയിലാണ്. അത്യാധുനിക സംവിധാനങ്ങള്‍ ഉപയോഗിച്ചായിരിക്കും നിര്‍മാണം നടത്തുക. ഇത് നിലവിലെ ശേഷിയുടെ 4 മടങ്ങ് ആയിരിക്കും. അങ്കമാലി ശബരിമല റെയില്‍പാതയ്ക്ക് മുന്‍ഗണന നല്കും. മുഖ്യമന്ത്രി പിണറായി വിജയന്‍ ഡല്‍ഹിയില്‍ എത്തി നടപടികള്‍ വേഗത്തില്‍ ആകാന്‍ ആവശ്യപ്പെട്ടിരുന്നു. സര്‍ക്കാരിനോട് ഭൂമി ഏറ്റെടുക്കല്‍ നടപടികള്‍ ആരംഭിക്കാന്‍ പറഞ്ഞു. ഉടന്‍ തന്നെ റെയില്‍വേ നിര്‍മാണ പ്രവര്‍ത്തനങ്ങള്‍ ആരംഭിക്കുമെന്ന് അശ്വനി വൈഷ്ണവ് വ്യക്തമാക്കി.
ഷൊര്‍ണൂര്‍ എറണാകുളം പാത മൂന്നുവരിയാക്കും. എറണാകുളം കായംകുളം പാതയും കായംകുളം തിരുവനന്തപുരം പാതയും വികസിപ്പിക്കും. കേരളത്തിന് വന്ദേഭാരത് ട്രെയിന്‍ കിട്ടില്ല എന്ന് ചിലര്‍ പ്രചരിപ്പിച്ചു. എന്നാല്‍ രണ്ട് വന്ദേഭാരത് സര്‍വീസുകള്‍ ഇപ്പോള്‍ കേരളത്തിലുണ്ടെന്നും കേരളത്തിനെ വലിയ ഐടി ഹബ്ബ് ആകുമെന്നും അദ്ദേഹം പറഞ്ഞു.
