മധുര പാനീയങ്ങൾ പൊതുവേ ഇഷ്ടമുള്ളവരാണ് നമ്മൾ എല്ലാവരും. എന്നാൽ ഇത് ആരോഗ്യത്തിന് അത്ര നല്ലതല്ലെന്നാണ് പുതിയ പഠനങ്ങൾ പറയുന്നത്. മധുര പാനീയങ്ങളുടെ ഉപയോഗം ടൈപ്പ് 2 പ്രമേഹ രോഗികളുടെയും ഹൃദ്രോഗികളുടെയും എണ്ണത്തിൽ വർദ്ധനവ് ഉണ്ടാക്കിയതായി വിദഗ്ധർ പറയുന്നു.
വിവിധ പഠനങ്ങൾ നടത്തിയതിൽ കൊളംബിയയിലെ ടൈപ്പ് 2 പ്രമേഹത്തിൻ്റെ 50 ശതമാനത്തിലധികം പുതിയ കേസുകളും പഞ്ചസാര പാനീയങ്ങൾ മൂലമാണെന്നാണ് പറയുന്നത്. ആഗോളതലത്തിൽ പഞ്ചസാര-മധുരമുള്ള പാനീയങ്ങളുടെ ഉപയോഗം തടയാൻ ഇടപെടലുകൾ ആവശ്യമാണെന്ന് വാഷിംഗ്ടൺ യൂണിവേഴ്സിറ്റിയിലെ എപ്പിഡെമിയോളജിസ്റ്റ് ഡോ. ലോറ ലാറ-കാസ്റ്റർ പറയുന്നത്.
Also Read: ഡ്രാഗൺ ഫ്രൂട്ട് നിസാരക്കാരനല്ല
പഞ്ചസാര അടങ്ങിയ എല്ലാ പാനീയങ്ങളിലും കലോറി കൂടുതലാണ്. പ്രധാനമായി വേണ്ട പോഷകങ്ങൾ ഒന്നും തന്നെ അതിൽ അടങ്ങിയിട്ടില്ല. ഇത് അമിതമായി വിശപ്പ് അനുഭവപ്പെടുന്നതിന് ഇടയാക്കും. കാലക്രമേണ, ഇത് ശരീരഭാരം കൂടുന്നതിനും അമിതവണ്ണത്തിനും കാരണമാകും.
മധുരം കഴിക്കാൻ തോന്നുമ്പോൾ പഞ്ചസാരയ്ക്ക് പകരം ഈന്തപ്പഴമോ അൽപം ശർക്കരയോ കഴിക്കാവുന്നതാണ്. ഈന്തപ്പഴം രണ്ടോ മൂന്നോ കഴിക്കാം പക്ഷെ അതിൽ കൂടരുത്. മറ്റൊന്നാണ് ശർക്കര, അതും അളവ് കൂടാതെ ശ്രദ്ധിക്കുക. പഞ്ചസാരയുടെ ഉപയോഗം കുറയ്ക്കുന്നത് അപകടസാധ്യത കുറയ്ക്കാനും ആരോഗ്യം മെച്ചപ്പെടുത്താനും സഹായിക്കും.
