ഗോകുൽ സുരേഷ്, ലാൽ, ഗണപതി എന്നിവർ കേന്ദ്രകഥാപാത്രങ്ങളാകുന്ന ചിത്രം ‘അമ്പലമുക്കിലെ വിശേഷങ്ങൾ’ ഡിസംബർ 5-ന് തിയേറ്ററുകളിൽ റിലീസ് ചെയ്യും. ജയറാം കൈലാസാണ് ഈ ചിത്രത്തിൻ്റെ സംവിധാനം നിർവ്വഹിച്ചിരിക്കുന്നത്. ഗോകുൽ സുരേഷ്, ലാൽ, ഗണപതി എന്നിവർക്ക് പുറമെ പ്രമുഖരായ നിരവധി താരങ്ങളാണ് ‘അമ്പലമുക്കിലെ വിശേഷങ്ങൾ’ എന്ന ചിത്രത്തിൽ അണിനിരക്കുന്നത്. കൂടാതെ മേജർ രവി, സുധീർ കരമന, മുരളി ചന്ദ്, ഷാജു ശ്രീധർ, നോബി മാർക്കോസ്, ഷഹീൻ, ധർമ്മജൻ, മെറീന മൈക്കിൾ, ബിജുക്കുട്ടൻ, അനീഷ് ജി. മേനോൻ, വനിതാ കൃഷ്ണൻ, സൂര്യ, സുനിൽ സുഗത, സജിത മഠത്തിൽ, ഉല്ലാസ് പന്തളം തുടങ്ങിയ വലിയ താരനിര ചിത്രത്തിൽ പ്രധാന വേഷങ്ങളിലുണ്ട്.
ജെ. ശരത്ചന്ദ്രൻ നായർ ചന്ദ് ക്രിയേഷൻസിന്റെ ബാനറിൽ നിർമ്മിക്കുന്ന ചിത്രമാണിത്. ചിത്രത്തിന് വേണ്ടി സംഗീതസംവിധാനം നിർവഹിച്ചിരിക്കുന്നത് രഞ്ജിൻ രാജാണ്, ഒപ്പം അരുൾ ദേവ് ഒരു അഡീഷണൽ ഗാനവും ഒരുക്കിയിരിക്കുന്നു. അബ്ദുൾ റഹീം ഛായാഗ്രഹണവും രഞ്ജൻ എബ്രഹാം എഡിറ്റിംഗും നിർവ്വഹിക്കുന്നു.
