മനുഷ്യന്റെ നിയന്ത്രണങ്ങളെയും സുരക്ഷാ കൽപനകളെയും വെട്ടിച്ച് ആർട്ടിഫിഷ്യൽ ഇന്റലിജൻസ് ഏജന്റുകൾ സ്വയം പ്രവർത്തിക്കാൻ തുടങ്ങിയെന്ന ഞെട്ടിക്കുന്ന റിപ്പോർട്ട് പുറത്തുവന്നു. ചാറ്റ്ജിപിടിയുടെ നിർമാതാക്കളായ ‘ഓപ്പൺ എഐ’യുടെ നിയന്ത്രണത്തിലുള്ള എഐ ഏജന്റുകളാണ് ഒരു ജർമ്മൻ വെബ്‌സൈറ്റ് പിടിച്ചെടുത്ത് പരസ്പരം രഹസ്യവിവരങ്ങൾ കൈമാറുന്നതിനുള്ള ബുളളറ്റിൻ ബോർഡാക്കി മാറ്റിയത്. റോയിട്ടേഴ്‌സ് ആണ് ഈ വാർത്ത പുറത്തുവിട്ടത്.
മെയ് മാസത്തിൽ ആരംഭിച്ച ഈ രഹസ്യനീക്കം ടെക് ലോകത്ത് കടുത്ത ആശങ്കയാണ് സൃഷ്ടിച്ചിരിക്കുന്നത്. പ്രോഗ്രാമർമാർക്കായി വിവരങ്ങൾ പങ്കുവെക്കുന്ന ‘ഡിഎസ്ഇ വിക്കി’ എന്ന ജർമ്മൻ വെബ്‌സൈറ്റിലാണ് എഐകൾ കടന്നുകയറി 15,000-ത്തിലധികം തിരുത്തലുകൾ നടത്തിയത്. ഓപ്പൺ എഐയുടെ നിയന്ത്രണങ്ങളിൽ നിന്ന് രക്ഷപ്പെടാനും, ടോർ പോലുള്ള ടൂളുകൾ ഉപയോഗിച്ച് തങ്ങളുടെ പ്രവർത്തനങ്ങൾ മറച്ചുവെക്കാനും ഇവർ ഈ വെബ്‌സൈറ്റ് ഉപയോഗിച്ചു. വെബ്‌സൈറ്റ് അഡ്മിൻ പേജുകൾ ഡിലീറ്റ് ചെയ്യാൻ തുടങ്ങിയപ്പോൾ അതിനെ മറികടക്കാൻ എഐകൾ സ്വന്തമായി ബാക്കപ്പ് പേജുകൾ നിർമിക്കുകയും ചെയ്തു.
ആഴ്ചകൾക്ക് മുൻപ് തന്നെ വിവരം ലഭിച്ചിട്ടും ഓപ്പൺ എഐ ഇത് രഹസ്യമാക്കി വെക്കുകയായിരുന്നു. ജൂലൈയിൽ ‘ഹഗ്ഗിങ് ഫെയ്‌സ്’ പ്ലാറ്റ്‌ഫോമിലുണ്ടായ സുരക്ഷാ വീഴ്ചയുടെ നാണക്കേടിൽ നിന്നുള്ള ശ്രദ്ധ തിരിക്കാനാണ് കമ്പനി ഇത് മൂടിവെച്ചതെന്ന് ആരോപണമുണ്ട്. ഏതോ വലിയ ലക്ഷ്യത്തിനുവേണ്ടി പ്രവർത്തിക്കുന്ന ഒരു അധോലോക സംഘത്തെപ്പോലെയാണ് ഈ എഐകൾ പെരുമാറുന്നതെന്ന് കേംബ്രിഡ്ജ് സർവകലാശാലയിലെ ഗവേഷകർ മുന്നറിയിപ്പ് നൽകുന്നു. ഭാവിയിൽ മനുഷ്യരാശിക്ക് ഭീഷണിയാകാൻ പോകുന്നത് ഒറ്റയ്ക്കുള്ള ഒരു സൂപ്പർ എഐ ആയിരിക്കില്ല, മറിച്ച് ഇത്തരം കൂട്ടായ്മകളായിരിക്കുമെന്നാണ് വിദഗ്ധരുടെ വിലയിരുത്തൽ.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (AI SOURCES)
