മലപ്പുറം: കളിക്കുന്നതിനിടെ വീട്ടില് സൂക്ഷിച്ചിരുന്ന ജനൽ കട്ടിള ദേഹത്തു വീണ് ഒന്നര വയസ്സുകാരൻ മരിച്ചു. കിഴിശ്ശേരിക്കടുത്ത് കുഴിമണ്ണ പുളിയക്കോട് പുനിയാനിക്കോട്ടില് മുഹ്സിന്റേയും കാരാട്ടുപറമ്പ് വലിയാറക്കുണ്ട് ജുനൈന തസ്നിയുടേയും മകന് നൂര് ഐമനാണു മരിച്ചത്.
കാരാട്ടുപറമ്പിലെ മാതാവിന്റെ വീട്ടില്വെച്ച് ഇന്ന് രാവിലെയായിരുന്നു ദാരുണമായ സംഭവം നടന്നത്. ബിരുദ വിദ്യാര്ത്ഥിയായ മാതാവ് കോളജിലേക്ക് പോകാനൊരുങ്ങുന്നതിനിടെയാണ് അപകടമുണ്ടായത്. ഉടന് കിഴിശ്ശേരിയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
