തിരുവനന്തപുരം: നാലു വയസ്സുകാരിയുടെ സ്വകാര്യഭാഗത്ത് അധ്യാപിക മുറിവേല്പ്പിച്ചതായി പരാതി. സംഭവവുമായി ബന്ധപ്പെട്ട് കല്ലാട്ടുമുക്ക് ഓക്സ്ഫഡ് സ്കൂളിലെ അധ്യാപികയ്ക്കെതിരെ കേസെടുത്തു. ഉച്ചയ്ക്ക് ശുചിമുറിയില് പോയതിന് വഴക്ക് പറഞ്ഞ ശേഷം കുഞ്ഞിനെ ഉപദ്രവിക്കുകയായിരുന്നു.
എല്കെജിയില് പഠിക്കുന്ന കുട്ടിയെ കഴിഞ്ഞദിവസം ഉച്ചയ്ക്കാണ് അധ്യാപിക ഉപദ്രവിച്ചത്. കുഞ്ഞിനെ അച്ഛൻ സ്കൂളില്നിന്നു വീട്ടിലെത്തിച്ചതിനു ശേഷം മുത്തശ്ശി കുളിക്കാന് വിളിച്ചപ്പോഴാണ് സംഭവം പുറത്തറിഞ്ഞത്. മുത്തശ്ശി ചോദിച്ചപ്പോഴാണ് അടിവയറ്റില് വേദനിക്കുന്നുവെന്ന് കുഞ്ഞ് പറഞ്ഞത്. മുത്തശ്ശി ഉടുപ്പൂരി പരിശോധിച്ചപ്പോള് സ്വകാര്യഭാഗത്ത് മുറിവേല്പിച്ച പാട് കണ്ടു.
Also Read: താനൂരിൽ അമ്മയും മകളും വീട്ടിനുള്ളിൽ മരിച്ച നിലയിൽ
സിസിടിവി പരിശോധനയില് അധ്യാപിക കുഞ്ഞിനെ ഉപദ്രവിക്കുന്നത് കണ്ടുവെന്ന് വീട്ടുകാര് പറയുന്നു. തുടര്ന്ന് കുട്ടിയെ ആശുപത്രിയില് എത്തിച്ചു ചികിത്സ നല്കി. ഇന്നു രാവിലെയാണ് പൊലീസില് പരാതി നല്കിയത്. അധ്യാപികയെ സസ്പെന്ഡ് ചെയ്തതായി സ്കൂള് പ്രിന്സിപ്പല് അറിയിച്ചു.
