പെരുമ്പാവൂര്: വീട്ടിൽ കഞ്ചാവ് സൂക്ഷിച്ച രണ്ടുപേരെ കൂടി അറസ്റ്റ് ചെയ്തു. തൊടുപുഴ, കാഞ്ഞിരമറ്റം, പൂതനകുന്നേല് വീട്ടില് ശംബു (24), തൊടുപുഴ തെക്കുംഭാഗം കണിയാംമൂഴിയില് വിനയരാജ് (25) എന്നിവരെയാണ് പെരുമ്പാവൂര് പൊലീസ് പിടികൂടിയത്.
കഴിഞ്ഞ ദിവസം വില്പനക്കായി അല്ലപ്രയിലെ വീട്ടില് സൂക്ഷിച്ചിരുന്ന 3.690 കിലോഗ്രാം കഞ്ചാവുമായി ഹസ്സന് എന്നയാളെ പെരുമ്പാവൂര് പൊലീസ് പിടികൂടിയിരുന്നു. ഇതുമായി ബന്ധപ്പെട്ട തുടരന്വേഷണത്തിലാണ് ഇവർ അറസ്റ്റിലായത്.
ഇവർ ഗുണ്ടാ ലിസ്റ്റിൽ ഉൾപെട്ടിട്ടുള്ളവരാണ്. പ്രതികൾക്കെതിരെ കഞ്ചാവ് കടത്ത്, ഭവനഭേദനം, ദേഹോപദ്രവം ഏല്പ്പിക്കല് എന്നീ കേസുകള് നിലവിലുണ്ടെന്ന് പൊലീസ് പറഞ്ഞു. ഹസ്സന് കഞ്ചാവ് വിതരണം ചെയ്തിരുന്നത് ഇവര് മുഖേനയായിരുന്നു.
