കിടപ്പുരോഗിയായ വയോധികയെ തെരുവുനായ കടിച്ചുകൊന്നു

തൃശൂർ എരുമപ്പെട്ടിയിൽ കിടപ്പുരോഗിയായ 84 വയസുകാരി കാർത്യായനിയെ തെരുവുനായ കടിച്ചുകൊന്നു. ഇന്ന് വൈകീട്ട് ആറുമണിയോടെ നടന്ന ദാരുണമായ ഈ സംഭവത്തിൽ, വയോധികയെ രക്ഷിക്കാൻ ശ്രമിച്ച ഭിന്നശേഷിക്കാരനായ 60 വയസുകാരനായ മകനും നായയുടെ കടിയേറ്റു. കാർത്യായനിയെയും മകനെയും ആക്രമിച്ചതിന് പുറമെ നാട്ടിലെ മറ്റ് നായ്ക്കളെയും കടിച്ചു പരിക്കേൽപ്പിച്ച അക്രമാസക്തമായ നായയെ ഇതുവരെ പിടികൂടാനായിട്ടില്ല.