കോഴിക്കോട്: താമരശേരിയില്‍ അബദ്ധത്തില്‍ വിഷക്കായ കഴിച്ച 4 വിദ്യാര്‍ഥികള്‍ ആശുപത്രിയില്‍. വീടിനു സമീപത്തെ പറമ്പില്‍ നിന്നും ഞാവല്‍പ്പഴമെന്ന് കരുതിയാണ് വിദ്യാര്‍ഥികള്‍ വിഷക്കായ കഴിച്ചത്. താമരശേരി താലൂക്ക് ആശുപത്രിയില്‍ പ്രവേശിപ്പിച്ച കുട്ടികളെ പിന്നീട് മെഡിക്കല്‍ കോളജ് ആശുപത്രിയിലേക്ക് മാറ്റി.
Also Read: ഭാരതാംബ വിവാദം; സസ്പെൻഷനെതിരെ ഹൈക്കോടതിയിൽ നൽകിയ ഹർജി പിൻവലിക്കാൻ കേരള സർവകലാശാല രജിസ്ട്രാർ
താമരശേരി ഗവ. ഹയര്‍ സെക്കന്‍ഡറി സ്‌കൂളിലെ ഒമ്പതാം ക്ലാസ് വിദ്യാര്‍ഥിയെയാണ് വൈകിട്ടോടെ ആശുപത്രിയില്‍ പ്രവേശിപ്പിച്ചത്. രാത്രിയോടെയാണ് 3 വിദ്യാര്‍ഥികളെ കൂടി ആശുപത്രിയില്‍ എത്തിച്ചത്. കാഴ്ചയില്‍ ഞാവല്‍ പഴത്തോട് സാമ്യമുള്ളതാണ് ഈ വിഷക്കായ എന്നാണ് പ്രദേശവാസികള്‍ പറയുന്നത്. കഴിഞ്ഞ ദിവസങ്ങളിലും രണ്ടു കുട്ടികള്‍ സമാന രൂപത്തില്‍ വിഷക്കായ കഴിച്ച് താമരശേരി താലൂക്ക് ആശുപത്രിയില്‍ ചികിത്സ തേടിയിരുന്നു.
