അഹമ്മദാബാദ്: ഗുജറാത്തിലെ സൂറത്തില് വ്യാജ ഡിഗ്രി സര്ട്ടിഫിക്കേറ്റുകള് നല്കിയിരുന്ന സംഘം അറസ്റ്റില്. സംഘത്തില് നിന്ന് ബിരുദം വാങ്ങിയ 14 വ്യാജ ഡോക്ടര്മാരെ ഗുജറാത്ത് പൊലീസ് അറസ്റ്റ് ചെയ്തിട്ടുണ്ട്. മുഖ്യപ്രതി ഡോ.രമേഷ് ഗുജറാത്തിയെയും അറസ്റ്റ് ചെയ്തതായി പൊലീസ് അറിയിച്ചു.
ബോര്ഡ് ഓഫ് ഇലക്ട്രോ ഹോമിയോപ്പതിക് മെഡിസിന് (ബിഇഎച്ച്എം) ഗുജറാത്ത് നല്കുന്ന ബിരുദങ്ങളാണ് പ്രതികള് വാഗ്ദാനം ചെയ്തിരുന്നത്. ഇവരുടെ പക്കല് നിന്ന് നൂറുകണക്കിന് അപേക്ഷകളും സര്ട്ടിഫിക്കറ്റുകളും സ്റ്റാമ്പുകളും പൊലീസ് കണ്ടെത്തി. വ്യാജ ഡോക്ടര് ബിരുദമുള്ള മൂന്ന് പേര് അലോപ്പതി പ്രാക്ടീസ് നടത്തുന്നതായി വിവരം ലഭിച്ചതിനെ തുടര്ന്ന് റവന്യൂ വകുപ്പും പൊലീസും ചേര്ന്ന് ഇവരുടെ ക്ലിനിക്കുകളില് റെയ്ഡ് നടത്തിയിരുന്നു.
Also Read: ഡയറക്ടര് ജനറല് ഓഫ് പ്രോസിക്യൂഷന്റെ പേരില് വ്യാജ അക്കൗണ്ടുണ്ടാക്കി തട്ടിപ്പ്; 3 പേര് അറസ്റ്റില്
ചോദ്യം ചെയ്യലില് പ്രതികള് ബിഇഎച്ച്എം നല്കിയ ബിരുദങ്ങള് കാണിച്ചു. ഗുജറാത്ത് സര്ക്കാര് അത്തരം ബിരുദങ്ങളൊന്നും നല്കാത്തതിനാല് ഇത് വ്യാജമാണെന്ന് പൊലീസിന് അപ്പോള് തന്നെ വ്യക്തമായി. വ്യാജ വെബ്സൈറ്റില് ബിരുദങ്ങള് രജിസ്റ്റര് ചെയ്യുകയായിരുന്നു പ്രതികള് ചെയ്തിരുന്നത്. ഇലക്ട്രോ ഹോമിയോപ്പതിയുമായി ബന്ധപ്പെട്ട് ഇന്ത്യയില് യാതൊരു നിയന്ത്രണങ്ങളുമില്ലെന്ന് മുഖ്യപ്രതിക്ക് അറിവുണ്ടായിരുന്നു. ഇതോടെ പ്രസ്തുത കോഴ്സില് ബിരുദം നല്കുന്നതിന് ഒരു ബോര്ഡ് സ്ഥാപിക്കാന് അദ്ദേഹം പദ്ധതിയിട്ടിരുന്നു.
അദ്ദേഹം അഞ്ച് പേരെ നിയമിക്കുകയും അവര്ക്ക് ഇലക്ട്രോ ഹോമിയോപ്പതിയില് പരിശീലനം നല്കുകയും ചെയ്തു. മൂന്ന് വര്ഷത്തിനുള്ളില് കോഴ്സ് പൂര്ത്തിയാക്കുകയും ഇലക്ട്രോ ഹോമിയോപ്പതി മരുന്നുകള് എങ്ങനെ നിര്ദ്ദേശിക്കാമെന്ന് അവരെ പരിശീലിപ്പിക്കുകയും ചെയ്തുവെന്ന് പൊലീസ് പറഞ്ഞു. ഇലക്ട്രോ ഹോമിയോപ്പതിയോട് ജനങ്ങള്ക്ക് ധാരണയില്ലെന്ന് മനസിലാക്കിയതോടെ വ്യാജഡോക്ടര്മാര് തങ്ങളുടെ പദ്ധതികള് മാറ്റി ഗുജറാത്തിലെ ആയുഷ് മന്ത്രാലയം നല്കുന്ന ബിരുദങ്ങള് നല്കാന് തുടങ്ങി.
എട്ടാം ക്ലാസ് ബിരുദധാരികള്ക്ക് പോലും 70,000 രൂപ വീതം ഈടാക്കി മെഡിക്കല് ബിരുദ സര്ട്ടിഫിക്കേറ്റ് നല്കിയിരുന്നുവെന്നാണ് കണ്ടെത്തിയിട്ടുള്ളത്. പണം അടച്ചാല് 15 ദിവസത്തിനകം സര്ട്ടിഫിക്കറ്റുകള് നല്കുന്നതായിരുന്നു രീതി. സര്ട്ടിഫിക്കറ്റുകള്ക്ക് സാധുതയുണ്ടെന്നും ഒരു വര്ഷത്തിന് ശേഷം 5,000 മുതല് 15,000 രൂപ വരെ നല്കി ഇത് പുതുക്കണമെന്നുമായിരുന്നു പ്രതികള് പറഞ്ഞിരുന്നത്. പുതുക്കുന്നതിനുള്ള ഫീസ് അടയ്ക്കാന് കഴിയാത്ത വ്യാജ ഡോക്ടര്മാരെ സംഘം ഭീഷണിപ്പെടുത്തിയതായും പൊലീസ് പറഞ്ഞു.
