കണ്ണൂര്: സിപിഐഎമ്മിനെ വെല്ലുവിളിച്ച് കെപിസിസി അധ്യക്ഷന് കെ സുധാകരന്. കോണ്ഗ്രസിന്റെ ഓഫീസുകള് പൊളിച്ചാല് തിരിച്ചും അതുപോലെ ചെയ്യാന് അറിയാമെന്ന് കെ.സുധാകരന്. സിപിഎമ്മിന്റെ ഓഫീസ് ഒരു രാത്രി കൊണ്ട് പൊളിക്കാന് കോണ്ഗ്രസിന്റെ 10 പിള്ളേരു മതി. സിപിഎം ഓഫീസ് തിരിച്ചു പൊളിക്കണോ എന്ന് അണികളോട് സുധാകരന് ചോദിച്ചു. കണ്ണൂര് പിണറായിയില് ഇന്നലെ രാത്രി തകര്ക്കപ്പെട്ട കോണ്ഗ്രസ് ഓഫീസ് കെട്ടിടം ഉദ്ഘാടനം ചെയ്യുകയായിരുന്നു സുധാകരന്.
കണ്ണൂര് പിണറായി വേണ്ടുട്ടായിയിലെ കോണ്ഗ്രസ് ഓഫീസാണ് ആക്രമിക്കപ്പെട്ടത്. ശനിയാഴ്ച രാത്രിയാണ് സംഭവം. ഓഫീസിന്റെ സിസിടിവി ക്യാമറകള് അടിച്ചു തകര്ത്തു. വാതില് തീവച്ച് നശിപ്പിക്കാനും ശ്രമിച്ചു. എന്നാല് തീ കാര്യമായി പടര്ന്നില്ല. ജനല് ചില്ലുകളും തകര്ത്തു. ഉദ്ഘാടനത്തോടനുബന്ധിച്ച് കെട്ടിയ തോരണങ്ങളും വലിച്ചിട്ട നിലയിലായിരുന്നു. സിപിഎമ്മാണ് ആക്രമണത്തിനു പിന്നിലെന്നാണ് കോണ്ഗ്രസിന്റെ ആരോപണം. സ്ഥലം സന്ദര്ശിച്ച പിണറായി പൊലീസ് അന്വേഷണം ആരംഭിച്ചു.
