കോഴിക്കോട്: കുറ്റ്യാടിയില് വിവാഹ ഫോട്ടോഷൂട്ടിനെത്തിയ നവവരന് ഒഴുക്കില്പ്പെട്ട് മരിച്ചു. പാലേരി സ്വദേശി റജിലാണ് മരിച്ചത്. ഭാര്യയെ രക്ഷപ്പെടുത്തി. ആശുപത്രിയില് പ്രവേശിപ്പിച്ച ഇവരുടെ നില ഗുരുതരമാണ്.
കുറ്റ്യാടി പുഴയില് തിങ്കളാഴ്ച ഉച്ചയോടെയായിരുന്നു അപകടം. ഒരാഴ്ച മുമ്പാണ് റജിലിന്റെ വിവാഹം കഴിഞ്ഞത്. ഫോട്ടോഷൂട്ട് കഴിഞ്ഞ് മടങ്ങുകയായിരുന്നു ദമ്പതിമാര്. കാല്വഴുതി പുഴയില് വീണെന്നാണ് വിവരം.
