കോഴിക്കോട്: കോഴിക്കോട് ബാലുശ്ശേരിയില്‍ നവജാത ശിശുവിനെ കഴുത്തറത്ത് കൊന്ന കേസില്‍ അമ്മയെ റിമാന്‍ഡ് ചെയ്തു. മെഡിക്കല്‍ കോളേജ് ആശുപത്രിയില്‍ കഴിയുന്ന ഇവരെ മജിസ്‌ട്രേറ്റ് നേരിട്ടെത്തിയാണ് റിമാന്‍ഡ് ചെയ്തത്.
ആരോഗ്യനില മെച്ചപ്പെട്ട ശേഷം റിന്‍ഷയെ കസ്റ്റഡിയില്‍ വാങ്ങാനാണ് പൊലീസിന്റെ തീരുമാനം. ആരോഗ്യസ്ഥിതി മോശമായതിനാല്‍ പൊലീസിന് ഇവരെ ചോദ്യം ചെയ്യാന്‍ കഴിഞ്ഞിട്ടില്ല.
നാല് വര്‍ഷമായി ഭര്‍ത്താവുമായി വേര്‍പിരിഞ്ഞു കഴിയുകായിരുന്ന റിന്‍ഷയ്ക്ക് ബന്ധുവുമായി അടുപ്പമുണ്ടായിരുന്നു. കുഞ്ഞിന് ജന്മം നല്‍കിയത് പുറംലോകം അറിയാതിരിക്കാന്‍, വീട്ടില്‍ വച്ച് പ്രസവിച്ച ശേഷം ബ്ലേഡ് ഉപയോഗിച്ച് കഴുത്തറുത്ത് കൊന്നുവെന്നാണ് പൊലീസ് പറയുന്നത്.
ഇപ്പോള്‍ റിന്‍ഷ മാത്രമാണ് പ്രതിപ്പട്ടികയിലുള്ളത്. ഇവരുടെ അമ്മയുടെയും സഹോദരന്റെയും മൊഴി പൊലീസ് രേഖപ്പെടുത്തിയിട്ടുണ്ട്.
