തിരുവനന്തപുരം: തൊഴിലുറപ്പ് തൊഴിലാളികള്‍ക്ക് പിന്നാലെ നവകേരളാ സദസ്സിന് ആളെ എത്തിക്കാന്‍ സ്വകാര്യ ബസ്സുകള്‍ സൗജന്യ സര്‍വീസ് നടത്തണമെന്ന് ആവശ്യപ്പെട്ടതായി ബസ് ഉടമകളുടെ അസോസിയേഷന്‍. നവകേരള സദസിലേക്ക് ആളുകളെ കൊണ്ടു വരുന്നതിനും തിരികെ കൊണ്ടാക്കുന്നതിനും സ്വകാര്യ ബസുകള്‍ സൗജന്യമായി നല്‍കണമെന്നാണ് ആവശ്യപ്പെട്ടിരിക്കുന്നത്. മോട്ടോര്‍ വാഹന വകുപ്പിനെതിരെ സംഘടനയുടെ മലപ്പുറം ജില്ല വൈസ് പ്രസിഡന്റാണ് പരാതിയുമായി രംഗത്തെത്തിയത്.
നവകേരള സദസിനായി ഗതാഗത സൗകര്യം ഒരുക്കേണ്ടത് മോട്ടോര്‍ വാഹന വകുപ്പാണ്. ഈ സാഹചര്യത്തിലാണ് ഉദ്യോടഗസ്ഥരെ ഉള്‍പ്പെടെ കൊണ്ടു പോകുന്നതിനായാണ് ബസുടമളെ മോട്ടോര്‍ വാഹന വകുപ്പ് സമീപിച്ചതും സൗജന്യം സേവനം നല്‍കണമെന്നനം ആരോപിക്കുന്നത്. എന്നാല്‍ മൂന്നു ദിവസം സൗജന്യ സേവനം നടത്തുമ്പോള്‍ നഷ്ടത്തിലാക്കുമെന്ന് ബസ് ഉടമകള്‍ പറയുന്നു.
എന്നാല്‍ ആരോപണം തള്ളി മോട്ടോര്‍ വാഹനവകുപ്പ് രംഗത്തെത്തിയിട്ടുണ്ട്. എന്നാല്‍ ഇത്തരമൊരു ആവശ്യവുമായി ബസുടമകളെ സമീപിച്ചിട്ടില്ലെന്ന് മോട്ടോര്‍ വാഹന വകുപ്പ് അറിയിച്ചു. ഈ മാസം 27 മുതല്‍ 30 വരെയാണ് മലപ്പുറത്ത് നവകേരള സദസ് നടക്കുന്നത്.
