തിരുവനന്തപുരം: കഴിഞ്ഞ സര്ക്കാരിന്റെ കാലത്താണ് കറന്സി നോട്ടുകള് പിന്വലിച്ച തീരുമാനം വന്നതെങ്കില് പല മന്ത്രിമാരും ഹൃദയസ്തംഭനം വന്ന് മരിച്ചേനെയെന്ന് കേരള കോണ്ഗ്രസ് ബി നേതാവ് ആര് ബാലകൃഷ്ണപിള്ള.
അഴിമതിയുടെ കറവപ്പശുക്കളായി വകുപ്പുകളെ മാറ്റിയവരാണ് പഴയ പല മന്ത്രിമാരും. അവരുമായി താരതമ്യം ചെയ്യുമ്പോള് ഇ പി ജയരാജന് അപരാധം ചെയ്തിട്ടില്ലെന്നും ബാലകൃഷ്ണപിള്ള പറഞ്ഞു.
ഉദ്യോഗസ്ഥ തലത്തില് അഴിമതി തുടര്ക്കഥയാണ്. ഉദ്യോഗസ്ഥരുടെ അഴിമതി തുടച്ചുനീക്കാന് ഈ സര്ക്കാരിനും കഴിഞ്ഞിട്ടില്ല.
ഒരു സമുദായത്തിന്റെയും ആധ്യാത്മിക കാര്യങ്ങളില് സര്ക്കാരോ, കോടതിയോ ഇടപെടരുതെന്നും ബാലകൃഷ്ണപിള്ള പറഞ്ഞു