ന്യൂഡല്ഹി: പുതിയ സുരക്ഷാ ഫീച്ചറുകളുമായി 200 രൂപയുടെ നോട്ടുകള് ഓഗസ്റ്റില് പുറത്തിറക്കിയേക്കുമെന്ന് സൂചന.
ഇതിന്റെ ഭാഗമായി 2000 രൂപ നോട്ടുകളുടെ അച്ചടി പൂര്ണമായും നിര്ത്തിവച്ചതായും റിപ്പോര്ട്ടുണ്ട്. ജൂണിലാണ് 200 രൂപ നോട്ടിന്റെ അച്ചടി ആരംഭിച്ചത്.
500, 1000 രൂപയുടെ നോട്ടുകള് അസാധുവാക്കിയതിനുശേഷം പുതിയ നോട്ടുകള് പുറത്തിറക്കിയെങ്കിലും ചില്ലറക്ഷാമം രൂക്ഷമായത് രാജ്യത്ത് വലിയ പ്രതിസന്ധി സൃഷ്ടിച്ചിരുന്നു. ഇതു പരിഹരിക്കാനാണ് പുതിയ 200 രൂപ നോട്ട് ഇറക്കാന് റിസര്വ് ബാങ്ക് തീരുമാനിച്ചത്.
200 രൂപയുടെ നോട്ട് പുറത്തിറങ്ങിയാല് ഇടപാടുകള് കൂടുതല് സുഗമമായി നടക്കുമെന്നാണ് വിദഗ്ധരുടെ വിലയിരുത്തല്.