തിരുവനന്തപുരം: ഓരോ കഥാപാത്രത്തിലും തന്റേതായ വ്യക്തിമുദ്ര പതിപ്പിച്ചിരുന്ന മഹാനടന്‍ നെടുമുടി വേണുവിന്റെ വിയോഗം സിനിമാ ലോകത്തിന് തികച്ചും നഷ്ടമാണ്. മരണം വരെയുള്ള സ്വാര്‍ഥമായ അഭിനയ ജീവിതമായിരുന്നു നെടുമുടി വേണുവിന്.
നെടുമുടി വേണു അഭിനയിച്ച ചിത്രങ്ങള്‍ പ്രധാനമായും അഞ്ചെണ്ണമാണ് ഇനി റിലീസ് ചെയ്യാനുള്ളത്. മോഹന്‍ലാലിന്റെ മരക്കാര്‍: അറബിക്കടലിന്റെ സിംഹം എന്ന ചിത്രത്തില്‍ സാമൂതിരി എന്ന കരുത്തുറ്റ കഥാപാത്രമായി നെടുമുടി വേണു സ്‌ക്രീനിലേക്ക് എത്തും. നെയ്യാറ്റിന്‍കര ഗോപന്റെ ആറാട്ട് എന്ന ബി ഉണ്ണികൃഷ്ണന്‍ ചിത്രത്തിലും നെടുമുടി വേണു അഭിനയിച്ചിരുന്നു.
നെടുമുടി വേണു മമ്മൂട്ടിക്ക് ഒപ്പം ഏറ്റവും ഒടുവില്‍ അഭിനയിച്ചത് പുഴുവിലാണ്. അമല്‍ നീരദിന്റെ സംവിധാനത്തിലുള്ള ചിത്രമായ ഭീഷ്മപര്‍വത്തിലും മമ്മൂട്ടിക്കൊപ്പം നെടുമുടി വേണു അഭിനയിച്ചു.
സന്തോഷ് ശിവന്റെ സംവിധാനത്തിലുള്ള ചിത്രമായ ജാക്ക് ആന്‍ഡ് ജില്ലില്‍ മഞ്ജു വാര്യര്‍ക്ക് ഒപ്പവും നെടുമുടി വേണു അഭിനയിച്ചിട്ടുണ്ട്.
മരണം അദ്ദേഹത്തെ ഇഹലോകത്തു നിന്നും പറിച്ചെടുത്തുകൊണ്ടു പോയെങ്കിലും തിയേറ്റര്‍ തുറക്കുമ്പോള്‍ ബിഗ് സ്‌ക്രീനില്‍ മഹാനടനെയും കാണാം.
