ന്യൂയോര്‍ക്ക്:അന്യഗ്രഹജീവികള്‍ ഭൂമിയില്‍ മനുഷ്യനോടൊപ്പമുണ്ടെന്ന് നാസ ഗവേഷകന്‍ സില്‍വിയോ പി കോളമ്പാനോയുടെ വെളിപ്പെടുത്തല്‍. പ്രതീക്ഷിക്കാത്ത രൂപത്തിലാവും അവ ഭൂമിയിലെ മനുഷ്യര്‍ക്കിടയില്‍ കഴിഞ്ഞ് കൂടുന്നത്. ഇവയ്ക്ക് വലുപ്പം കുറവും ബുദ്ധി കൂടുതലുമായിരിക്കും എന്നാണ് ശാസ്ത്രജ്ഞര്‍ പറയുന്നത്. മനുഷ്യരുടെ മനസിലുള്ള രൂപം ഇവര്‍ക്കില്ലാത്തതിനാല്‍ നമ്മള്‍ തിരിച്ചറിഞ്ഞു കാണില്ലെന്നും അദ്ദേഹം പറയുന്നു.
ഇപ്പോഴും സൂര്യന് അപ്പുറമുള്ള ഒരു നക്ഷത്രത്തിലേക്കുള്ള യാത്ര പോലും മനുഷ്യന് അസാധ്യമാണ്. ഇത്തരം ഒരു അവസ്ഥയില്‍ പ്രപഞ്ചത്തിന്റെ ഒരു മൂലയില്‍ നിന്നും ഇവിടെ അന്യഗൃഹ ജീവികള്‍ എത്തിയിട്ടുണ്ടെങ്കില്‍ അവ തീര്‍ച്ചയായും മനുഷ്യന്റെ ശാസ്ത്ര പുരോഗതിയുടെ ഒരു നൂറ് ഇരട്ടിയെങ്കിലും മുന്നിലാണ്. മനുഷ്യന്റെ ശാസ്ത്ര പുരോഗതി അതിന്റെ നേട്ടങ്ങള്‍ വിലയതോതില്‍ കൈവരിക്കാന്‍ ആരംഭിച്ചിട്ട് 500 വര്‍ഷങ്ങള്‍ ആകുന്നതെയുള്ളൂ. അതിനാല്‍ മനുഷ്യന്റെ ഭാവനയ്ക്ക് അപ്പുറമാണ് ഇവയുടെ രൂപവും പെരുമാറ്റവും. ഇവയെ കണ്ടെത്താന്‍ പുതിയ പഠനം തന്നെ ആരംഭിക്കണമെന്ന് സില്‍വിയോ പി കോളമ്പാനോ എന്ന ശാസ്ത്രജ്ഞന്‍ പറയുന്നത്.
കോളമ്പാനോയുടെ പ്രബന്ധം അന്താരാഷ്ട്ര ശാസ്ത്ര സമൂഹങ്ങള്‍ക്കിടയില്‍ ചര്‍ച്ചയായിട്ടുണ്ട്. എന്നാല്‍ അന്യഗൃഹ ജീവികള്‍ ഭൂമിയില്‍ ഉണ്ടാകാനുള്ള ഒരു സാധ്യതയാണ് താന്‍ വിലയിരുത്തിയത് എന്നാണ് പിന്നീട് സില്‍വിയോ പി കോളമ്പാനോ ഇതിനെ വിലയിരുത്തിയത്. നാസയുടെ ഔദ്യോഗിക വെബ് സൈറ്റില്‍ തന്നെ കോളമ്പാനോയുടെ പഠനം പ്രസിദ്ധീകരിച്ചിട്ടുണ്ട്.
