വാരാണസി: പ്രധാനമന്ത്രി നരേന്ദ്രമോദി ഇന്നു വാരാണസിയിൽ നാമനിർദേശ പത്രിക സമർപ്പിക്കും. പ്രവര്ത്തകരുമായുള്ള കൂടിക്കാഴ്ചയും ക്ഷേത്ര സന്ദര്ശനവും കഴിഞ്ഞായിരിക്കും മോദിയുടെ പത്രിക സമര്പ്പണം.
പ്രധാനമന്ത്രിയുടെ നാമനിര്ദേശ പത്രിക സമര്പ്പണത്തിന് മുന്നോടിയായുള്ള പരിപാടികള്ക്ക് രാവിലെ 8 മണിയോടെ തുടക്കമാകും. ആദ്യം ബൂത്ത് തല പ്രവര്ത്തകരുമായുള്ള കൂടിക്കാഴ്ചയാണ്. ശേഷം ക്ഷേത്ര സന്ദര്ശനം. 10 മണിയോടെ കാല് ഭൈരവ ക്ഷേത്രത്തിലെത്തും. രണ്ട് മണിക്കൂര് അവിടെ ചെലവഴിക്കും. അതിന് ശേഷമായിരിക്കും പത്രിക സമര്പ്പണത്തിനായി കളക്ടറേറ്റിലേക്ക് പോകുക. 12 മണിക്കും ഒരു മണിക്കും ഇടയിലായി പത്രിക സമര്പ്പിക്കും. കൂടെ ദേശീയ അധ്യക്ഷന് അമിത്ഷാ, ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, ബിജെപി പാർലമെന്ററി പാർട്ടി നേതാക്കളും എന്ഡിഎയുടെ പ്രമുഖനേതാക്കളും മോദിയെ അനുഗമിക്കും.
നാമനിര്ദ്ദേശ സമര്പ്പണത്തിന് മുന്നോടിയായി ഇന്നലെ വാരാണസിയില് നടന്ന റോഡ് ഷോയിലും അദ്ദേഹം പങ്കെടുത്തു. ബനാറസ് ഹിന്ദു യൂണിവേഴ്സിറ്റി സ്ഥാപകന് മദന് മോഹന് മാളവ്യയുടെ സ്മാരകത്തിന് മുന്നില് നിന്നാണ് റോഡ് ഷോ ആരംഭിച്ചത്. മാളവ്യയുടെ ശില്പ്പത്തില് ഹാരാര്പ്പണം നടത്തിയാണ് മോദി റോഡ് ഷോയ്ക്ക് തുടക്കമിട്ടത്. ഏഴ് കിലോമീറ്ററോളം നീണ്ട റോഡ് ഷോ ദശാശ്വമേഥ് ഘട്ടിലാണ് സമാപിച്ചത്. ദശാശ്വമേഥ് ഘട്ടില് നടന്ന പ്രാര്ത്ഥനാ ചടങ്ങുകളില് ബിജെപി ദേശീയ അദ്ധ്യക്ഷന് അമിത് ഷാ ,യു പി മുഖ്യമന്ത്രി യോഗി ആദിത്യനാഥ് എന്നിവരും പങ്കെടുത്തു.
കോൺഗ്രസ് അധ്യക്ഷൻ രാഹുൽ ഗാന്ധി ഇന്ന് മൂന്ന് തിരഞ്ഞെടുപ്പ് റാലികളിൽ പങ്കെടുക്കുന്നുണ്ട്. ബിഹാറിലും ഒഡീഷയിലും മഹാരാഷ്ട്രയിലുമാണ് പ്രചാരണം. പ്രിയങ്കഗാന്ധി ഉത്തർ പ്രദേശിൽ തിരഞ്ഞെടുപ്പ് പ്രചാരണം തുടരുകയാണ്. ഉന്നാവോയിലും ബാരാബങ്കിയിലും പ്രിയങ്ക റോഡ് ഷോ നടത്തും