ഇസ്ലാമാബാദ്: ഇന്ത്യ- പാക്ക് ബന്ധം സമാധാനപരമായ സാഹചര്യത്തില്‍ തുടരണമെങ്കില്‍ മോദി തന്നെ വീണ്ടും അധികാരത്തില്‍ എത്തണമെന്ന് പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന്‍. കശ്മീര്‍ വിഷയത്തില്‍ പരിഹാരം കാണുന്നതിന് കോണ്‍ഗ്രസ് അധികാരത്തില്‍ വരുന്നത് ഗുണകരമാവില്ലെന്നും ഇമ്രാന്‍ കൂട്ടിച്ചേര്‍ത്തു.
അതേസമയം, മുസ്ലീങ്ങള്‍ക്കെതിരെയുള്ള അതിക്രമങ്ങള്‍ ഇന്ത്യയില്‍ വര്‍ദ്ധിച്ചു വരുന്നതായും, ഇന്ത്യയില്‍ നിലവിലുള്ള സാഹചര്യം തനിക്ക് വിലയിരുത്താന്‍ കഴിയുന്നതല്ല എന്നും, ഇന്ത്യയില്‍ വര്‍ഷങ്ങളായി സന്തോഷത്തോടെ കഴിഞ്ഞുവന്നിരുന്ന മുസ്ലിങ്ങള്‍ ഇപ്പോഴത്തെ തീവ്ര ഹിന്ദു ദേശീയത മൂലം ഭീതിയിലാണെന്നും പാക്ക് പ്രധാനമന്ത്രി പറഞ്ഞു. ഇസ്രയേല്‍ പ്രധാനമന്ത്രി ബഞ്ചമിന്‍ നെതന്യാഹുവിനെപ്പോലെ ഭീതിയും തീവ്രമതവികാരവുമാണ് മോദിയും വളര്‍ത്തുന്നതെന്നും ഇമ്രാന്‍ഖാന്‍ പറഞ്ഞു.
