ചടയമംഗലം സീറ്റില്‍ നിന്ന് പിന്മാറുന്നതായി മുസ്ലീം ലീഗ്

കൊല്ലം: കൊല്ലത്തെ ചടയമംഗലം സീറ്റെന്ന ആവശ്യത്തില്‍ നിന്ന് മുസ്ലിം ലീഗ് പിന്മാറുന്നു. സീറ്റ് മുസ്ലിം ലീഗിന് വിട്ടു നല്‍കാനുള്ള തീരുമാനത്തിനെതിരെ വലിയ പ്രതിഷേധമായിരുന്നു ഉയര്‍ന്നത്. യൂത്ത് കോണ്‍ഗ്രസ് പ്രതിഷേധം തെരുവില്‍ വരെയെത്തി. പ്രതിഷേധത്തിനൊടുവില്‍ പ്രാദേശിക ലീഗ് നേതൃത്വം ഉള്‍പ്പെടെ ചടയമംഗലം സീറ്റ് വേണ്ടെന്ന നിലപാടില്‍ എത്തി. ലീഗ് സ്ഥാനാര്‍ത്ഥി മത്സരിക്കുന്നത് ആത്മഹത്യാപരമാണെന്ന് ലീഗ് നേതൃത്വവും വിലയിരുത്തി. പകരം അമ്പലപ്പുഴയോ പുനലൂരോ ആവശ്യപ്പെടും.

എന്നാല്‍ പുനലൂര്‍ നല്‍കാന്‍ കോണ്‍ഗ്രസ് നേതൃത്വം തയാറായേക്കില്ല. ചടയമംഗലത്ത് കോണ്‍ഗ്രസ് സ്ഥാനാര്‍ത്ഥിയായി പ്രയാര്‍ ഗോപാലകൃഷ്ണന്റെ പേരാണ് ഉയര്‍ന്നു കേള്‍ക്കുന്നത്. മണ്ഡലത്തിന്റെ ചരിത്രത്തിലെ ഒരേയൊരു കോണ്‍ഗ്രസ് എംഎല്‍എ ആയ പ്രയാര്‍ സ്ഥാനാര്‍ത്ഥി മോഹം മുന്‍പേ തന്നെ പരസ്യമാക്കിയിരുന്നു.

Top