തനിക്കെതിരേ നിയമനടപടിക്കൊരുങ്ങുന്ന മൈക്രോബ്ലോഗിംഗ് പ്ലാറ്റ്ഫോമായ ട്വിറ്ററിനെ പരിഹസിച്ച് ഇലോണ് മസ്ക്. ട്വിറ്ററിലൂടെതന്നെയാണു മസ്ക് കമ്പനിയെ പരിഹസിച്ചതും.
“ആദ്യം അവര് എനിക്ക് ട്വിറ്റര് വാങ്ങാനാവില്ലെന്നു പറഞ്ഞു. പിന്നെ അവര് പറഞ്ഞു ,വ്യാജ അക്കൗണ്ട് വിവരങ്ങള് നല്കാനാവില്ലെന്ന്, ഇപ്പോള് അവര് എന്നെ ട്വിറ്റര് വാങ്ങാന് കോടതിയിലൂടെ നിര്ബന്ധിക്കുകയാണ്, വ്യാജ അക്കൗണ്ടുകളുടെ വിവരങ്ങളും അവര് കോടതിയിലൂടെ നൽകേണ്ടിവരും”. തന്റെ ചിത്രം സഹിതം മസ്ക് ട്വീറ്റ് ചെയ്തു.
— Elon Musk (@elonmusk) July 11, 2022
അതേസമയം, മസ്കിന്റെ ഏറ്റെടുക്കല് നടപ്പാക്കാന് കോടതി നടപടിക്കൊരുങ്ങുന്ന ട്വിറ്ററിന്റെ ഓഹരിവില ഇന്നലെയും ഇടിഞ്ഞിരുന്നു. ആറു ശതമാനത്തിലേറെയാണ് ഇന്നലെ ട്വിറ്റര് ഓഹരികള്ക്കു നഷ്ടമുണ്ടായത്. ഓഹരിയൊന്നിന് 54.20 ഡോളര് എന്ന നിലയ്ക്ക് മസ്ക് വിലയിട്ടിരുന്ന ട്വിറ്റര് ഓഹരിക്കു നിലവില് 35 ഡോളറില് താഴെയാണു വില. വരുംദിവസങ്ങളിലും വിലയിടിവ് തുടര്ന്നേക്കും.