മസ്കറ്റ്: തൊഴില് വിസാ നിരോധനം വ്യാപിപ്പിക്കാന് ഒരുങ്ങി മസ്ക്കറ്റ് . ജനുവരി 25 മുതല് ആറു മാസത്തേക്ക് 87 തസ്തികകളിലേക്കാണ് വിസാ നിയന്ത്രണം ഏര്പ്പെടുത്തിയത്. ഇത് കൂടുതല് മേഖലകളിലേക്ക് വ്യാപിപ്പിക്കാന് ഒരുങ്ങുകയാണ് മസ്ക്കറ്റ്. മാനവവിഭവ ശേഷി മന്ത്രാലയമാണ് ഇത് സംബന്ധിച്ച സൂചന നല്കിയത്.
ജൂലൈയില് നിരോധന കാലാവധി പൂര്ത്തിയാകുന്ന മുറയ്ക്ക് നിരീക്ഷണ റിപ്പോര്ട്ടുകളുടെ അടിസ്ഥാനത്തില് കൂടുതല് തൊഴില് മേഖലകളെ കൂടി പരിധിയിലേക്ക് കൊണ്ടുവരുമെന്നു ചില പ്രാദേശിക മാധ്യമങ്ങള് റിപ്പോര്ട്ട് ചെയുന്നു.
ആറുമാസക്കാലത്തിനുള്ളില് 25000 തൊഴില് അവസരങ്ങള് സൃഷ്ടിക്കാനുള്ള മന്ത്രിസഭാ കൗണ്സിന്റെ ഉത്തരവിന്റെ ചുവട് പിടിച്ച് 20000 പേര്ക്ക് വരെ ഇതിനോടകം തൊഴില് നിയമനം നല്കിക്കഴിഞ്ഞു. കൂടാതെ നിരവധി കമ്പനികള്ക്ക് പുതിയ വിസ അനുവദിക്കില്ലെന്നും വിദേശ ജീവനക്കാരുടെ തൊഴില് കരാര് നീട്ടിനല്കില്ലെന്നു സര്ക്കാര് വ്യക്തമാക്കുകയും ചെയ്തു. കമ്പനികളുടെ പുതിയ റിക്രൂട്ട്മെന്റും നിലച്ചിരിക്കുകയാണ്.