വാഷിംഗ്ടണ്‍: അമേരിക്കയില്‍ മാളിന്റെ മൂന്നാം നിലിയില്‍ നിന്ന് അഞ്ചുവയസുകാരനെ തള്ളിയിട്ട് കൊലപ്പെടുത്താന്‍ ശ്രമിച്ച യുവാവിനെ പിടികൂടി.
അമേരിക്കയിലെ മിനെസോട്ടാ മാളിലാണ് സംഭവമുണ്ടായത്. ഇമ്മാനുവേല്‍ ദേഷ്വാന്‍ എന്നയാളെയാണ് പൊലീസ് പിടികൂടിയത്. സംഭവ സ്ഥലത്ത് നിന്നും ഇയാള്‍ രക്ഷപ്പെട്ടെങ്കിലും പൊലീസ് പിടികൂടുകയായിരുന്നു. മാളിന്റെ മൂന്നാം നിലയില്‍ നിന്നും കുട്ടി വീണെന്നായിരുന്നു പൊലീസിന് ആദ്യം ലഭിച്ച വിവരം.
എന്നാല്‍, കുട്ടിയെ ഇമ്മാനുവേല്‍ തള്ളിയിട്ടതാണെന്ന് സാക്ഷികള്‍ പൊലീസിന് മൊഴി നല്‍കി. സംഭവത്തിന് പിന്നിലെ കാരണമെന്താണെന്ന് അന്വേഷിക്കുകയാണെന്ന് പൊലീസ് പറഞ്ഞു.
