ന്യൂഡല്ഹി: ജൂലൈ മുതല് സെപ്റ്റംബര് വരയുള്ള മാസങ്ങളില് മുല്ലപെരിയാര് അണക്കെട്ടിലെ ജലനിരപ്പ് 130 അടിയായി കുറയ്ക്കണം എന്ന് ആവശ്യപ്പെട്ടുള്ള അപേക്ഷ ഓഗസ്റ്റ് 24 ന് പരിഗണിക്കാന് സുപ്രീം കോടതി തീരുമാനിച്ചു. കേരളം ഉള്പ്പടെയുള്ള കേസിലെ കക്ഷികള്ക്ക് ജലനിരപ്പ് താഴ്ത്തുന്നതിനെ സംബന്ധിച്ച് നിലപാട് അറിയിക്കാം എന്ന് ജസ്റ്റിസ് എ എം ഖാന്വില്ക്കര് അധ്യക്ഷനായ ബെഞ്ച് അറിയിച്ചു.
മണ്സൂണ് കാലത്ത് അണക്കെട്ടിലെ ജലനിരപ്പ് 130 അടി ആയി കുറയ്ക്കണം എന്ന് ആവശ്യപ്പെട്ട് ഇടുക്കി സ്വദേശിയായ റസ്സല് ജോയ് ആണ് സുപ്രീം കോടതിയെ സമീപിച്ചത്.