ന്യൂഡല്‍ഹി: ഫോർബസ് മാസിക പുറത്തിറക്കിയ ഗ്ലോബൽ ഗെയിം ചേയ്ഞ്ചഴ്സ് പട്ടികയിൽ റിലയൻസ് ഇൻഡസ്ട്രീസ് ലിമിറ്റഡ് ചെയർമാൻ മുകേഷ് അംബാനി മുന്നിൽ. വ്യവസായങ്ങൾ പരിവർത്തനം ചെയ്തു കോടികണക്കിനാളുകളുടെ ജീവിതം മാറ്റിമറിച്ച 25 നേതാക്കന്‍മാരെയാണ് ഗ്ലോബൽ ഗെയിം ചേയ്ഞ്ചഴ്സ് പട്ടികയിൽ ഉൾപ്പെടുത്തിയിട്ടുള്ളത്.
ജിയോ വഴി ആറു മാസംകൊണ്ട് 10 കോടി ജനങ്ങൾക്ക് അതിവേഗ ഇന്‍റനെറ്റ് എത്തിച്ചതിനാണ് അംബാനിക്ക് അംഗീകാരം.
സ്നാപ്ചാറ്റ് മേധാവി ഇവാൻ സ്പീഗേൽ, ആഫ്രിക്കൻ വ്യവസായി ക്രിസ്ടോ വീസ്, ഡേസണ്‍ സ്ഥാപകൻ ജെയിംസ് ഡേസണ്‍, മെർക്ക് സിഇഓ കെൻ ഫ്രേസർ തുടങ്ങിയവരും ഗ്ലോബൽ ഗെയിം ചേയ്ഞ്ചഴ്സ് പട്ടികയിൽ ഇടംപിടിച്ചിട്ടുണ്ട്.
