തിരുവനന്തപുരം: നിയമസഭാ തെരഞ്ഞെടുപ്പില് ശോഭാ സുരേന്ദ്രന് സ്ഥാനാര്ത്ഥിയാകില്ലെന്ന് എം.ടി രമേശ്. തെരഞ്ഞെടുപ്പ് പ്രചാരണ രംഗത്ത് സജീവമാകുമെന്നും മത്സരത്തിനില്ലെന്നും ശോഭ കേന്ദ്രത്തെ അറിയിച്ചതായി എംടി രമേശ് പറഞ്ഞു. സ്ഥാനാര്ത്ഥി പട്ടികയില് തര്ക്കമില്ലെന്നും അന്തിമ തീരുമാനം സ്ക്രീനിങ് കമ്മിറ്റിക്ക് ശേഷമുണ്ടാകുമെന്നും അദ്ദേഹം പറഞ്ഞു.
കേന്ദ്രനേതൃത്വമാണ് സ്ഥാനാര്ത്ഥികളെ പ്രഖ്യാപിക്കുക. പട്ടികയില് എല്ലാ സാമുദായിക വിഭാഗങ്ങള്ക്കും പരിഗണന നല്കിയിട്ടുണ്ടെന്നും ക്രിസ്ത്യന് സഭകളുടെ താത്പര്യം പരിഗണിച്ചിട്ടുണ്ടെന്നും എം.ടി രമേശ് പറഞ്ഞു. ബിജെപി അധികാരത്തിലെത്താന് 71 സീറ്റിന്റെ ആവശ്യമില്ല, 40 സീറ്റ് കിട്ടിയാല് മറ്റ് കക്ഷികള് ബിജെപിക്കൊപ്പം വരുമെന്നും എംടി രമേശ് പറഞ്ഞു.