ന്യൂഡല്ഹി: കൊവിഡ് പരിശോധനയ്ക്ക് സാമ്പിളെടുക്കാന് പുതിയ രീതിയുമായി എയിംസ് രംഗത്ത്. വായില് വെള്ളം നിറച്ചശേഷം ആ വെള്ളം പരിശോധിച്ചാല് മതിയാകുമെന്നാണ് വിദഗ്ധര് അഭിപ്രായപ്പെടുന്നത്. ഡല്ഹി എയിംസിലെ 50 രോഗികളില് നടത്തിയ പരീക്ഷണം വിജയകരമായതായി ഐസിഎംആര് അവകാശപ്പെടുന്നു.
പുതിയ രീതിമൂലം സ്രവം ശേഖരിക്കുമ്പോഴുള്ള രോഗവ്യാപന സാധ്യത കുറയും. ഗുരുതരമല്ലാത്ത രോഗികള്ക്ക് ഈ പരിശോധന മതിയെന്നാണ് ഐസിഎംആര് വിശദീകരിക്കുന്നത്. അതേസമയം രാജ്യത്ത് ആദ്യ ഘട്ടത്തില് 50 ലക്ഷം വാക്സിന് എത്തിക്കുമെന്ന് റിപ്പോര്ട്ടുകള് പുറത്തുവന്നു.
മുന്നിര പ്രതിരോധ പ്രവര്ത്തകര്, സൈനികര്, ഗുരുതരാവസ്ഥയില് ഉള്ളവര് എന്നിവര്ക്കായിരിക്കും മുന്ഗണന. പൂനെ സിറം ഇന്സ്റ്റിറ്റ്യൂട്ടിന്റെ ഓക്സ്ഫോര്ഡ് വാക്സിന് ആവും ആദ്യം വിതരണത്തിന് എത്തുക എന്നാണ് സൂചന.