പ്രീമിയം മോഡലായ മോട്ടോ Z3 പ്ലേയുടെ ചിത്രങ്ങള്‍ പുറത്തിറങ്ങി. സ്ഥിരം മോട്ടോ മോഡലുകളില്‍ നിന്നും വ്യത്യസ്ഥമായാണ് ഫിംഗര്‍പ്രിന്റ് സ്‌കാനറിന്റെ സ്ഥാനം. വലതുവശത്തായാണ് ഫിംഗര്‍പ്രിന്റ് സ്‌കാനര്‍ സ്ഥിതി ചെയ്യുന്നത്. വില 30,000 രൂപ വരെ പ്രതീക്ഷിക്കാം.
18:9 അനുപാതത്തിലുള്ള 6 ഇഞ്ച് ഡിസ്‌പ്ലേയാണ് ഫോണിന് നല്‍കിയിരിക്കുന്നത്. സ്‌നാപ്ഡ്രാഗണ്‍ 636 പ്രൊസസര്‍ കരുത്തു നല്‍കുന്ന ഫോണിന് 4ജിബി, 6ജിബി എന്നീ റാം ഓപ്ഷനുകള്‍ ഉണ്ടായിരിക്കും. മെമ്മറിയും അതുപോലെ 32ജിബി, 64ജിബി എന്നിങ്ങനെയാണ് ഒരുക്കിയിരിക്കുന്നത്.
ക്യാമറ പിറകില്‍ 12 മെഗാപിക്‌സല്‍, 8 മെഗാപിക്‌സല്‍ എന്നിങ്ങനെ ഇരട്ട ക്യാമറകളും മുന്‍വശത്ത് 5 മെഗാപിക്‌സല്‍ ക്യാമറ എന്നിവയായിരിക്കുമെന്നാണ് റിപ്പോര്‍ട്ട്. 3000 mAh ആയിരിക്കും ബാറ്ററി ഉണ്ടാവാന്‍ സാധ്യത.
