മാര്‍ച്ച് 15ന് ഇന്ത്യയില്‍ ലോഞ്ച് ചെയ്ത മോട്ടോ ജി5 പ്ലസ് ഫോണിന്റെ ആദ്യ വില്‍പനയില്‍ റെക്കോഡുമായി ഇകൊമേഴ്‌സ് സൈറ്റായ ഫ്‌ളിപ്കാര്‍ട്ട്.
ഫ്‌ളിപ്കാര്‍ട്ടിലൂടെ മാത്രം വില്‍പ്പന നടത്തുന്ന മോട്ടോ ജി5 പ്ലസ് മിനിറ്റില്‍ 50 യൂണിറ്റ് എന്ന നിരക്കിലാണ് വിറ്റുപോയത്.
3 ജിബി റാം, 16 ജിബി ഇന്റേണല്‍ സ്‌റ്റോറേജുള്ള 14,999 രൂപയുടെ പതിപ്പും 4 ജിബി റാം, 32 ജിബി ഇന്റേണല്‍ സ്‌റ്റോറേജുള്ള 16,999 രൂപയുടെ പതിപ്പും തുടങ്ങിയ രണ്ട് മോഡലുകളാണ് മോട്ടോ ജി5 പ്ലസിനുള്ളത്.
5.2 ഇഞ്ച് ഡിസ്‌പ്ലേ, 3 ജിബി റാം, 16 ജിബി ഇന്റേണല്‍ സ്‌റ്റോറേജ്/4 ജിബി റാം, 32 ജിബി ഇന്റേണല്‍ സ്‌റ്റോറേജ് പതിപ്പുകള്‍,256 ജിബി വരെ ഉയര്‍ത്താവുന്ന എക്‌സ്‌റ്റേണല്‍ സ്‌റ്റോറേജ്, ഡ്യുവല്‍ എല്‍ഇഡി ഫ്‌ളാഷോടുകൂടിയ 12 മെഗാപിക്‌സല്‍ പ്രധാന ക്യാമറ, 5 മെഗാപിക്‌സല്‍ ഫ്രണ്ട് ക്യാമറ, ഫിംഗര്‍പ്രിന്‍സ് സ്‌കാനര്‍, 4ജി എല്‍ടിഇ, വൈഫൈ, ജിപിഎസ്, എന്‍എഫ്‌സി, ബ്ലൂടൂത്ത്, മൈക്രോ യുഎസ്ബി, 3000 എംഎഎച്ച് ബാറ്ററി എന്നിവയാണ് ഫോണിന്റെ ഫീച്ചറുകള്‍.
