ന്യൂഡല്ഹി: സംസ്ഥാനങ്ങള്ക്ക് മൂന്ന് ദിവസത്തിനുള്ളില് കൂടുതല് വാക്സിന് ഡോസുകള് എത്തിക്കുമെന്ന് കേന്ദ്ര ആരോ്യമന്ത്രാലയം. 11 ലക്ഷം ഡോസുകളാണ് വിവിധ സംസ്ഥാനങ്ങള്ക്ക് സൗജന്യമായി നല്കുക. കേന്ദ്ര ആരോഗ്യമന്ത്രാലയമാണ് ഇക്കാര്യം അറിയിച്ചത്.
ഇതുവരെ 22 കോടിയിലേറെ ഡോസ് വാക്സിനാണ് സൗജന്യമായി നല്കിയത്. കണക്കുകള് പ്രകാരം പാഴായിപ്പോയതുള്പ്പെടെ 20,17,59,768 ഡോസുകളാണ് ഉപയോഗിച്ചത്. നിലവില്, സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും പക്കല് 1,84,90,522 ഡോസ് വാക്സിനാണുള്ളതെന്ന് ആരോഗ്യമന്ത്രാലയം അറിയിച്ചു.
സെന്ട്രല് ഡ്രഗ്സ് ലബോറട്ടറിയുടെ അംഗീകാരത്തോടെ ഉത്പ്പാദിപ്പിക്കുന്ന വാക്സിന്റെ 50 ശതമാനവും കേന്ദ്രസര്ക്കാര് സംഭരിക്കുകയും സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും സൗജന്യമായി നല്കുകയുമാണ് ചെയ്യുന്നത്.