കോഴിക്കോട്: സൂപ്പർ സ്റ്റാർ മോഹൻലാലിനും,പി.ടി. ഉഷയ്ക്കും ഡിലിറ്റ് നൽകി കാലിക്കറ്റ് സർവകലാശാലയുടെ ആദരം. സർവകലാശാല കാമ്പസിൽ നടത്തിയ ചടങ്ങിലാണ് ഡിലിറ്റ് നൽകിയത്. സംസ്ഥാന ഗവർണറും ചാൻസലറുമായ പി.സദാശിവം, പ്രോ ചാൻസലറും വിദ്യാഭ്യാസ മന്ത്രിയുമായ സി. രവീന്ദ്രനാഥ്, വൈസ്ചാൻസലർ ഡോ. കെ.മുഹമ്മദ് ബഷീർ, സിൻഡിക്കറ്റ് അംഗങ്ങൾ എന്നിവരുടെ സാന്നിധ്യത്തിലായിരുന്നു ചടങ്ങ്.
മലയാള സിനിമ മേഖലയ്ക്ക് നൽകിയ സമഗ്ര സംഭാവനയ്ക്കും, മറ്റു ഭാഷകളിലെ സിനിമ അഭിനയ മികവ് പരിഗണിച്ചുമാണ് മോഹൻലാലിന് കാലിക്കട്ട് സർവകലാശാലയുടെ പരമോന്നത ബഹുമതി നൽകിയത്. തനിക്കു ലഭിച്ച ആദരം മലയാള സിനിമ കൂട്ടായ്മയ്ക്ക് ലഭിച്ച അംഗീകാരമാണെന്ന് മോഹൻലാൽ വ്യക്തമാക്കി.
കോമണ്വെൽത്ത് ഗെയിംസ് റെക്കോർഡ് നേടിയിട്ടുള്ള പി.ടി ഉഷ അന്താരാഷ്ട്രതലത്തിൽ നേടിയ 103 മെഡലുകൾ നേടിയിട്ടുണ്ട്. തന്റെ കായിക രംഗത്തെ വർച്ചയ്ക്ക് ഒപ്പം നിന്ന കാലിക്കറ്റ് സർവകലാശാല നൽകുന്ന ആദരം വളർത്തമ്മ നൽകുന്നതാണെന്ന് പി.ടി. ഉഷ പറഞ്ഞു.