നിലവിൽ വിപണിയിൽ ലഭ്യമായ ഏറ്റവും ജനപ്രിയമായ പൂർണ്ണ വലുപ്പത്തിലുള്ള എസ്‌യുവികളിൽ ഒന്നാണ് ഫോർഡ് എൻഡവർ. ടൊയോട്ട ഫോർച്യൂണർ, എംജി ഗ്ലോസ്റ്റർ തുടങ്ങിയ കാറുകളുമായി ഇത് മത്സരിക്കുന്നു. ഓഫ്-റോഡ് ശേഷിയുള്ള ശരിയായ എസ്‌യുവിയാണിത്.
ഫോർഡ് എൻ‌ഡവറിന്റെ നിരവധി വീഡിയോകൾ ഇന്റെർ‌നെറ്റിൽ ഓഫ്-റോഡ് ഡ്യൂട്ടി ചെയ്യുന്നതായി നാം കണ്ടിട്ടുണ്ട്. വാഹന മോഡിഫിക്കേഷൻ രംഗത്തെ ഒരു ജനപ്രിയ വാഹനം കൂടിയാണിത്. എല്ലാ പരിഷ്‌ക്കര ണങ്ങൾക്കും ശേഷം, എൻ‌ഡവറിനൊരു അഗ്രസ്സീവ് രൂപം ലഭിക്കുന്നു. മുൻവശത്ത് നിന്ന് ആരംഭിച്ചാൽ, ഈ എസ്‌യുവിയിലെ സ്റ്റോക്ക് ഗ്രില്ലിന് പകരം എൽഇഡി ലൈറ്റുകളുള്ള റാപ്പ്റ്റർ ഗില്ലുമായി മാറ്റിയിരിക്കുന്നു. ഹെഡ്‌ലൈറ്റുകളും മാറ്റിസ്ഥാപിച്ചു.
വാഹനത്തിന് ഇപ്പോൾ എൽഇഡി ഡിആർഎല്ലുകളുള്ള ട്രിപ്പിൾ പ്രൊജക്ടർ ഹെഡ്‌ലാമ്പുകളും ഹെഡ്‌ലാമ്പിനുള്ളിൽ എൽഇഡി ടേൺ ഇൻഡിക്കേറ്ററുകളും സംയോജിപ്പിച്ചിരിക്കുന്നു.ഹെഡ്‌ലാമ്പുകൾക്ക് തൊട്ടുതാഴെയായി, ഒരു ഓഫ് മാർക്കറ്റ് എൽഇഡി ഡിആർഎൽ കാണാം. എൻ‌ഡവറിലെ ബമ്പറിന് പകരം റാപ്‌റ്റർ പ്രചോദിത യൂണിറ്റും നൽകിയിരിക്കുന്നു. എസ്‌യുവിയിൽ എവിടെയും ക്രോം ഘടകങ്ങളൊന്നുമില്ല.
ബമ്പറിനുള്ളിൽ തന്നെ ഫോഗ് ലാമ്പുകൾ ഉൾപ്പെടുത്തിയിട്ടുണ്ട്. ബമ്പറും ഫ്രണ്ട് ഗ്രില്ലും എസ്‌യുവിയുടെ മൊത്തത്തിലുള്ള ലുക്ക് വർധിപ്പിക്കുകയും അതിന് അഗ്രസ്സീവ് ഭാവം നൽകുകയും ചെയ്യുന്നു.
