ന്യൂഡല്ഹി: അടുത്ത കേന്ദ്ര ബജറ്റ് അത്ര ജനകീയമാകില്ലെന്നും, രാജ്യത്തിന്റെ വികസന അജണ്ടകളുമായി മുന്നോട്ട് പോകുമെന്നും പ്രധാനമന്ത്രി നരേന്ദ്ര മോദി. ദൃശ്യമാധ്യമത്തിന് നല്കിയ അഭിമുഖത്തിലാണ് മോദി ഇക്കാര്യം പറഞ്ഞത്.
ബജറ്റില് സാധാരണക്കാരന് സൗജന്യങ്ങളും ഇളവുകളും പ്രതീക്ഷിക്കുമെന്നത് ഒരു ഐതിഹ്യം മാത്രമാണെന്നും അദ്ദേഹം പറഞ്ഞു. ലോകത്തെ ദുര്ബലമായ അഞ്ച് രാജ്യങ്ങളില് നിന്നും ഇന്ത്യയെ മോചിപ്പിക്കുമെന്നും അദ്ദേഹം അവകാശപ്പെട്ടു.
അതേസമയം, സര്ക്കാരിന്റെ സാമ്പത്തിക നവീകരണ നയങ്ങള്ക്കെതിരെയുള്ള വിമര്ശനങ്ങളെ പ്രതിരോധിച്ച അദ്ദേഹം നോട്ടുനിരോധനം വന് വിജയമാണെന്ന് പറഞ്ഞു. ബജറ്റുമായി ബന്ധപ്പെട്ട തീരുമാനങ്ങള് പൂര്ണമായും ധനമന്ത്രിയുടെ ചുമതലയാണെന്നും അതില് ഇടപെടാന് താന് ആഗ്രഹിക്കുന്നില്ലെന്നും മോദി വ്യക്തമാക്കി.