ഡൽഹി: അധ്യാപക ദിനത്തോടനുബന്ധിച്ച് പ്രധാനമന്ത്രി നരേന്ദ്ര മോദി 2022 ലെ അധ്യാപകര്ക്കുള്ള ദേശീയ അവാര്ഡ് ജേതാക്കളുമായി സംവദിക്കും. തങ്ങളുടെ പ്രതിബദ്ധതയിലൂടെയും കഠിനാധ്വാനത്തിലൂടെയും സ്കൂള് വിദ്യാഭ്യാസത്തിന്റെ ഗുണനിലവാരം മെച്ചപ്പെടുത്തുക മാത്രമല്ല, അവരുടെ വിദ്യാര്ത്ഥികളുടെ ജീവിതത്തെ സമ്പന്നമാക്കുകയും ചെയ്ത രാജ്യത്തെ ചില മികച്ച അധ്യാപകരുടെ അതുല്യമായ സംഭാവനകളെ ആദരിക്കുകയാണ് അധ്യാപകര്ക്കുള്ള ദേശീയ അവാര്ഡുകളുടെ ഉദ്ദേശ്യം.
അധ്യാപകര്ക്കുള്ള ദേശീയ അവാര്ഡുകള് പ്രാഥമിക, സെക്കന്ഡറി സ്കൂളുകളില് ജോലി ചെയ്യുന്ന മികച്ച അധ്യാപകര്ക്ക് പൊതു അംഗീകാരം എന്നിവയും നല്കുന്നു. ഈ വര്ഷത്തെ അവാര്ഡിനായി, രാജ്യത്തുടനീളമുള്ള 45 അധ്യാപകരെയാണ് കര്ശനവും സുതാര്യവുമായ മൂന്നു ഘട്ട ഓണ്ലൈന് പ്രക്രിയയിലൂടെ തിരഞ്ഞെടുത്തിട്ടുള്ളത്.