തിരുവനന്തപുരം:ആദായ നികുതി വകുപ്പിന്റെ ഇന്ററിം സെറ്റില്‍മെന്റ് ബോര്‍ഡ് നടത്തിയ പരാമര്‍ശങ്ങള്‍ രാഷ്ട്രീയ ലക്ഷ്യം വെച്ചുള്ളതാണെന്ന് സിപിഎം പോളിറ്റ്ബ്യുറോ അംഗം എം.എ ബേബി പറഞ്ഞു . മോദി സര്‍ക്കാര്‍ രാഷ്ട്രീയ എതിരാളികള്‍ക്കുനേരെ നടത്തുന്ന വേട്ടയുടെ ഭാഗമാണ് നടപടി എന്നും അദ്ദേഹം പറഞ്ഞു.
അനാവശ്യ പരാമര്‍ശങ്ങളാണ് റിപ്പോര്‍ട്ടില്‍ ഉണ്ടായിരുന്നത്.വിഷയത്തിന്റെ മെറിറ്റില്‍ അന്വേഷണം നടക്കട്ടെ.മാധ്യമങ്ങള്‍ വിഷയം അനാവശ്യമായി വലിച്ചു നീട്ടുകയാണ്.പുതുപ്പള്ളിയില്‍ ഇടതു പക്ഷത്തിന് അനുകൂല സാഹചര്യമാണുള്ളത്..ചില മാധ്യമങ്ങള്‍ സഹതാപ തരംഗം ഉണ്ടാക്കാന്‍ ശ്രമിക്കുന്നു.ലോക്‌സഭ തെരഞ്ഞെടുപ്പ് നേരത്തേ നടത്താന്‍ മോദി ശ്രമിച്ചാലും എന്‍.ഡി.എയ്ക്കനുകൂല സാഹചര്യമല്ല രാജ്യത്തുള്ളതെന്നും അദ്ദേഹം പറഞ്ഞു.
