കൊല്‍ക്കത്ത: പ്രധാനമന്ത്രി നരേന്ദ്രമോദിയെ വെല്ലുവിളിച്ച് പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജി. തെരഞ്ഞെടുപ്പ് റാലിക്കിടെ മമതയ്‌ക്കെതിരെ വിമര്‍ശിച്ചതിനോട് പ്രതികരിക്കുകയായിരുന്നു .
വേണമെങ്കില്‍ തന്നെ അറസ്റ്റ് ചെയ്തുകൊള്ളാന്‍ മോദിയോട് മമത ആവശ്യപ്പെട്ടു. അറസ്റ്റ് വരിക്കാന്‍ താന്‍ തയ്യാറാണ്. ആരുടെ മുമ്പിലും തല കുനിക്കാതെ പോരാടുമെന്നും പറഞ്ഞു.
പശ്ചിമ ബംഗാളിലെ വികസന പ്രശ്‌നങ്ങള്‍ ചര്‍ച്ച ചെയ്യാന്‍ കേന്ദ്ര സര്‍ക്കാര്‍ വിളിച്ചു ചേര്‍ത്ത യോഗങ്ങള്‍ മമത നിരന്തരം ബഹിഷ്‌കരിക്കുകയായിരുന്നുവെന്ന് മോദി മമതയെ വിമര്‍ശിച്ചു. കൊല്‍ക്കത്തയില്‍ മേല്‍പ്പാലം തകര്‍ന്നു വീണപ്പോള്‍ ഉടന്‍ രക്ഷാപ്രവര്‍ത്തനം നടത്തേണ്ടതിനു പകരം അനാവശ്യമായി മറ്റുള്ളവരെ കുറ്റപ്പെടുത്താനാണ് മമത ശ്രമിച്ചതെന്നും മോദി വിമര്‍ശിച്ചു.
