കൊല്ലം: കൊല്ലം പള്ളിമണ് ഇളവൂരില് നിന്ന് കാണാതായ ആറ് വയസുകാരിയുടെ മൃതദേഹം കണ്ടെടുത്തു. കുട്ടിയുടെ വീടിനോട് ചേര്ന്നുള്ള ഇത്തിക്കരയാറ്റില് നിന്നാണ് പുഴയിലാണ് മൃതദേഹം കണ്ടെത്തിയത്. പള്ളിമണ് ഇളവൂര് സ്വദേശികളായ പ്രദീപ് – ധന്യ ദമ്പതികളുടെ മകള് ദേവനന്ദനയെയാണ് ഇന്നലെ രാവിലെ മുതല് കാണാതായത്.
മുങ്ങല് വിദഗ്ധരാണ് ആറ്റില് മൃതദേഹം കണ്ടെത്തിയത്. ഇന്നലെ രാവിലെ 9.30 നും 10.30 നും ഇടയിലാണ് കുട്ടിയെ കാണാതായത്. കുട്ടിയുടെ അമ്മ ഈ സമയം തുണി അലക്കി കൊണ്ടിരിക്കുകയായിരുന്നു. സമീപപ്രദേശത്തെ ക്ഷേത്രത്തില് ഉത്സവ ചടങ്ങുകള് നടക്കുകയാണ്. ഉത്സവത്തോട് അനുബന്ധിച്ചാണ് കുട്ടി ഇന്നലെ സ്കൂളില് നിന്ന് അവധിയെടുത്തത്.