പാലക്കാട്: രണ്ട് രാഷ്ട്രീയ കൊലപാതകങ്ങള് നടന്ന പാലക്കാട് പൊലീസ് മുഖം നോക്കാതെ നടപടിയെടുക്കുമെന്ന് മന്ത്രി കെ കൃഷ്ണന്കുട്ടി. ഇത്തരം സംഭവങ്ങള് അടിച്ചമര്ത്തുക തന്നെ വേണം. രണ്ട് പാര്ട്ടികളും സ്വയം നിയന്ത്രിക്കണമെന്ന് ആവശ്യപ്പെട്ട മന്ത്രി, ശക്തമായ നടപടിക്ക് നിര്ദ്ദേശം നല്കിയെന്നും പറഞ്ഞു. അക്രമം വര്ഗീയമാക്കി മാറ്റാനാണ് ശ്രമം. ആക്ഷേപം വന്നാലും കുഴപ്പമില്ല, നടപടിയെടുക്കാന് പൊലീസിന് നിര്ദ്ദേശം നല്കിയെന്നും അദ്ദേഹം പറഞ്ഞു.
ജില്ലയിലെ സംഘര്ഷങ്ങളുടെ പശ്ചാത്തലത്തില് ഇന്ന് വൈകീട്ട് മൂന്ന് മണിക്ക് എല്ഡിഎഫ് യോഗം നിശ്ചയിട്ടുണ്ട്. ജില്ലയില് സ്ഥിതിഗതികള് നിയന്ത്രണ വിധേയമാക്കാന് സര്വ്വകക്ഷി യോഗം വിളിക്കുന്ന കാര്യം മുഖ്യമന്ത്രിയുമായി ആലോചിച്ച് തീരുമാനിക്കുമെന്നും മന്ത്രി പറഞ്ഞു.