മൊബൈല്‍ ആപ്ലിക്കേഷന്‍ വഴി ഇനി മില്‍മ പാലും വീട്ടിലെത്തും. മില്‍മയും സ്വകാര്യ ഐ.ടി കമ്പനിയും ചേര്‍ന്ന് നടത്തുന്ന എ.എം നീഡ്‌സ് എന്ന ആപ്പ് വഴിയാണ് മില്‍മ പാലും ഉത്പന്നങ്ങളും വീട്ടിലെത്തുന്നത്.
ആദ്യഘട്ടമായി ജൂണ്‍ ഒന്നിന് തിരുവനന്തപുരത്ത് ഈ സേവനം ആരംഭിക്കും. തിരുവനന്തപുരത്തിന് പുറമെ തൊട്ടടുത്ത മാസങ്ങളില്‍ എറണാകുളത്തും കോഴിക്കോടും ഈ സേവനം ലഭ്യമാകും. തുടര്‍ന്ന് മറ്റ് ജില്ലകളിലേക്കും വ്യാപിപ്പിക്കും. രാവിലെ അഞ്ചുമുതല്‍ എട്ടുവരെയാണ് സേവനം ലഭ്യമാകുക. ഉല്‍പന്നത്തിന്റെ വിലയ്ക്ക് പുറമെ ചെറിയൊരു സര്‍വീസ് ചാര്‍ജും ഈടാക്കും.
