തങ്ങളുടെ ഇസെഡ്എസ് ഇവി രാജ്യത്ത് 10,000 വിൽപ്പന കടന്നതായി പ്രഖ്യാപിച്ച് ചൈനീസ് വാഹന ബ്രാൻഡായ എംജി മോട്ടോർ ഇന്ത്യ. 2019 അവസാനത്തോടെയാണ് ഇലക്ട്രിക് കാർ ആദ്യമായി ഇവിടെ പുറത്തിറക്കിയത്. ഇന്ത്യയിലെ എംജിയുടെ ആദ്യ ഇലക്ട്രിക് കാറായിരുന്നു ഇത്. തുടർന്ന് 2022 മാർച്ചിൽ ഒരു പരിഷ്‌കരിച്ച പതിപ്പ് പുറത്തിറക്കി. എക്‌സൈറ്റ്, എക്‌സ്‌ക്ലൂസീവ് എന്നീ രണ്ട് വേരിയന്റുകളിൽ മോഡൽ വാഗ്ദാനം ചെയ്യുന്ന ഇവയ്ക്ക് യഥാക്രമം 23. 38 ലക്ഷം, 27.30 ലക്ഷം എന്നിങ്ങനെയാണ് വില .
ഒറ്റ ചാർജിൽ 461 കിലോമീറ്റർ റേഞ്ച് നൽകുന്ന സെഗ്‌മെന്റിലെ ഏറ്റവും വലിയ 50.3kWh നൂതന ബാറ്ററി പാക്കുമായാണ് ഈ ഇലക്ട്രിക് കാർ വരുന്നത്. 75-ലധികം കണക്റ്റുചെയ്‌ത കാർ സവിശേഷതകൾ ഉൾപ്പെടെ വിവിധ സാങ്കേതിക സവിശേഷതകള്‍ എംജിയുടെ ഇലക്ട്രിക് കാറില്‍ ഉണ്ട്. 25.7 സെന്റീമീറ്റർ എച്ച്‌ഡി ടച്ച്‌സ്‌ക്രീൻ ഇൻഫോടെയ്ൻമെന്റ്, 17.78 സെന്റീമീറ്റർ എംബഡഡ് എൽസിഡി സ്‌ക്രീനോടുകൂടിയ ഫുൾ ഡിജിറ്റൽ ക്ലസ്റ്റർ, ഡ്യുവൽ പാൻ പനോരമിക് സ്‌കൈ റൂഫ്, പിഎം 2.5 എയർ ഫിൽട്ടർ, റിയർ എസി വെന്റുകൾ, ബ്ലൂടൂത്ത് ഉള്ള ഡിജിറ്റൽ കീ എന്നിവയും മറ്റ് പ്രധാന സവിശേഷതകളാണ്. റിയർ ഡ്രൈവ് അസിസ്റ്റ്, റിയർ പാർക്കിംഗ് സെൻസറുള്ള 360 ഡിഗ്രി ചുറ്റും വ്യൂ ക്യാമറ, ഹിൽ ഡിസന്റ് കൺട്രോൾ (HDC), റെയിൻ സെൻസിംഗ് ഫ്രണ്ട് വൈപ്പർ എന്നിവയും മോഡലിലെ സുരക്ഷാ സവിശേഷതകളിൽ ഉൾപ്പെടുന്നു. ഇസെഡ്എസ് ഇവിയിൽ 176PS പവർ നൽകുകയും വെറും 8.5 സെക്കൻഡിനുള്ളിൽ പൂജ്യം മുതൽ 100 km/h വരെ വേഗത കൈവരിക്കുകയും ചെയ്യുന്ന ശക്തമായ ഒരു മോട്ടോർ സജ്ജീകരിച്ചിരിക്കുന്നു. ഇലക്ട്രിക് എസ്‌യുവിയുടെ പ്രിസ്മാറ്റിക് സെൽ ബാറ്ററിക്ക് ഉയർന്ന ഊർജ്ജ സാന്ദ്രതയുണ്ട്, അത് മികച്ച ശ്രേണിയും ആയുസ്സും വാഗ്ദാനം ചെയ്യുന്നു.
ഡിസി സൂപ്പർ ഫാസ്റ്റ് ചാർജറുകൾ, എസി ഫാസ്റ്റ് ചാർജറുകൾ, എംജി ഡീലർഷിപ്പുകളിലെ എസി ഫാസ്റ്റ് ചാർജറുകൾ, പോർട്ടബിൾ ചാർജറുകൾ, മൊബൈൽ ചാർജിംഗ് സപ്പോർട്ടിനുള്ള 24 എക്സ് 7 ആർഎസ്എ, എംജി ചാർജ് ഇനിഷ്യേറ്റീവ് എന്നിവ ഉൾപ്പെടുന്ന ആറ് ചാർജിംഗ് ഓപ്ഷനുകള്‍ ഇവി വാഗ്ദാനം ചെയ്യുന്നു. 1,000 ദിവസത്തിനുള്ളിൽ രാജ്യത്തുടനീളമുള്ള കമ്മ്യൂണിറ്റി ഇടങ്ങളിൽ 1,000 എസി ഫാസ്റ്റ് ചാർജറുകൾ സ്ഥാപിക്കാൻ ലക്ഷ്യമിടുന്ന എംജി ഇന്ത്യയുടെ ഗ്രീൻ മൊബിലിറ്റി സംരംഭമാണ് ഇതിലെ ആറാമത്തെ ഓപ്ഷൻ. ഇവി ചാർജിംഗ് ഇൻഫ്രാസ്ട്രക്ചർ ശക്തിപ്പെടുത്തുക എന്ന ലക്ഷ്യത്തോടെയാണ് ഈ നീക്കം. ZS ഇവി ഉടമകളുടെ വീട്ടിലോ ഓഫീസിലോ സൗജന്യ ചാർജർ ഇൻസ്റ്റാളേഷനും കമ്പനി വാഗ്ദാനം ചെയ്യുന്നു
