കഴിഞ്ഞ വർഷമാണ് എംജി ഇന്ത്യൻ വിപണിയിൽ ഹെക്ടർ അവതരിപ്പിച്ചത്. മികച്ച പ്രതികരണമായിരുന്നു വാഹനത്തിന് ലഭിച്ചത്. ഹെക്ടറിന് ശേഷം ഈ വർഷത്തിന്റെ തുടക്കത്തിൽ ZS ഇവി, ജൂലൈയിൽ ഹെക്ടർ പ്ലസ്, 2020 ഒക്ടോബറിൽ ഗ്ലോസ്റ്റർ എന്നിവ പുറത്തിറക്കിയിരുന്നു. ഇപ്പോൾ മൊത്തം നാല് മോഡലുകൾ ഉള്ളതിനാൽ ഇന്ത്യൻ വിപണിയിൽ താരതമ്യേന ഭേദപ്പെട്ട നിലയിൽ വിൽപ്പന നടക്കുന്നുണ്ട്. 2020 നവംബർ മാസത്തിൽ മൊത്തം 4,163 യൂണിറ്റുകൾ വിറ്റഴിച്ച എം‌ജിയുടെ ഇതുവരെയുള്ള ഏറ്റവും ഉയർന്ന പ്രതിമാസ വിൽ‌പന രേഖപ്പെടുത്തി.
3,750 യൂണിറ്റുകളാണ് കഴിഞ്ഞ മാസം വിറ്റഴിക്കപ്പെട്ടത്. ഇതനുസരിച്ച് ചൈനീസ് ഉടമസ്ഥതയിലുള്ള ബ്രിട്ടീഷ് ബ്രാൻഡിന് വിൽപ്പനയിൽ 11 ശതമാനം വർധനയുണ്ടായി. 2019 നവംബറിൽ 3,239 കാറുകൾ ഇന്ത്യൻ വിപണിയിൽ വിൽക്കാൻ എം‌ജിക്ക് കഴിഞ്ഞു, അതായത് വാഹന നിർമാതാക്കൾ വിൽ‌പനയിൽ 29 ശതമാനം വളർച്ച രേഖപ്പെടുത്തി. ഇപ്പോൾ എംജി മോട്ടോറിന് 1.5 ശതമാനം വിപണി വിഹിതമുണ്ട്. ഇത് പ്രകാരം നിലവിൽ ഇന്ത്യൻ വിപണിയിലെ ഒമ്പതാമത്തെ വലിയ നിർമ്മാതാവാണിത്.
എംജി മോട്ടോറിന്റെ ഇന്ത്യൻ ലൈനപ്പ് പ്രകാരം നിലവിൽ അവരുടെ ഏറ്റവും താങ്ങാവുന്ന കാറാണ് ഹെക്ടർ. നിലവിൽ വില 12.83 മുതൽ 18.08 ലക്ഷം വരെയാണ് വാഹനത്തിന്റെ എക്സ്-ഷോറൂം വില. ഹെക്ടർ പ്ലസിന്റെ വില 13.73 ലക്ഷം രൂപയിൽ നിന്ന് ആരംഭിച്ച് 18.68 ലക്ഷം രൂപ വരെ ഉയരുന്നു. എക്‌സൈറ്റ്, എക്‌സ്‌ക്ലൂസീവ് എന്നീ രണ്ട് വേരിയന്റുകളിൽ യഥാക്രമം 20.88 ലക്ഷം രൂപയും 23.58 ലക്ഷം രൂപയും എക്സ്-ഷോറൂം വിലയ്ക്ക് എംജി ZS ഇവി ലഭ്യമാണ്. എം‌ജിയുടെ ഇന്ത്യൻ വിപണിയിലെ മുൻ‌നിര ഓഫറാണ് ഗ്ലോസ്റ്റർ, കൂടാതെ പൂർണ്ണ വലുപ്പത്തിലുള്ള എസ്‌യുവി 29.98 ലക്ഷം രൂപ ആരംഭ വിലയ്ക്ക് എത്തുന്നു.
