മെക്സിക്കന് സിറ്റി: പ്രപഞ്ചത്തിലെ ആദ്യ നക്ഷത്രവ്യൂഹത്തെ കണ്ടെത്തി. മെക്സിക്കയിലെ ഒരു കൂട്ടം ശാസ്ത്രജ്ഞരാണ് പ്രപഞ്ചോല്പ്പത്തി പഠനങ്ങളിലേയ്ക്ക് വെളിച്ചം വീശുന്ന കണ്ടെത്തല് നടത്തിയത്. കാര്ലോസ് ഫ്രങ്ക് മോറയുടെ നേതൃത്വത്തിലുള്ള സംഘമാണ് കണ്ടെത്തലിനു പിന്നില്.
സിഗ്യു-1, ബൂട്ട്സ്1, ടുകാനാ II, അഴ്സാ മേയര് 1 എന്നിവയാണ് പുതിയതായി കണ്ടെത്തിയത്. 13 ബില്യണ് വര്ഷങ്ങള്ക്ക് മുന്പാണ് ഇവ ഉണ്ടായതെന്ന് നാഷണല് ഓട്ടോണോമസ് യൂണിവേഴ്സിറ്റി ഓഫ് മെക്സിക്കോ അറിയിച്ചു.
ഡാര്ക്ക് മാറ്ററുകളെക്കുറിച്ചുള്ള പഠനങ്ങള്ക്ക് അതി പ്രശസ്തനായ ശാസ്ത്രജ്ഞനാണ് മോറ. നക്ഷത്ര കൂട്ടങ്ങളുടെ നിര്മ്മാണത്തില് ഡാര്ക്ക് മാറ്ററുകളുടെ പങ്കിനെക്കുറിച്ചാണ് ഇതില് പ്രധാനം. ഈ പഠനങ്ങളാണ് ലാംഡ കോള്ഡ് ഡാര്ക്ക് മാറ്റര് എന്ന സിദ്ധാന്തത്തിന് വഴിവെച്ചത്. പ്രപഞ്ചത്തിന്റെ വികാസമാണ് ഇതിലെ പ്രധാന പരാമര്ശം.
ക്ഷീരപദത്തിന്റ അടുത്തു കിടക്കുന്ന ചില നക്ഷത്രവ്യൂഹങ്ങളെക്കുറിച്ച് മാത്രമേ നമുക്ക് അറിവുണ്ടായിരുന്നുള്ളൂ. ആദ്യകാല പ്രപഞ്ച സ്വഭാവത്തെക്കുറിച്ച് മനസ്സിലാക്കാന് പുതിയ പഠനങ്ങള് സഹായിക്കുമെന്ന് മോറ പറഞ്ഞു.