വിപണിയിൽ മാക്സി-സ്കൂട്ടറുകളുടെ എണ്ണം കുത്തനെ ഉയരുന്നതിനാൽ, വ്യത്യസ്ത നിർമ്മാതാക്കളിൽ നിന്നുള്ള നിരവധി ഓഫറുകൾ ഇപ്പോൾ വിപണിയിൽ പതിവാണ്. അത്തരമൊരു മോഡലാണ് 2021 W-മോടോ RT3.അടുത്തിടെ മാതൃ വിപണിയായ മലേഷ്യയിൽ RM 15,188 (2.67 ലക്ഷം രൂപ) വിലയ്ക്ക് മാക്സി സ്കൂട്ടർ വിൽപ്പനയ്ക്കെത്തി. ഹാർലി-ഡേവിഡ്‌സൺ, പിയാജിയോ എന്നിവയുമായി സഖ്യത്തിലുള്ള ചൈനീസ് മോട്ടോർ സൈക്കിൾ ഭീമനായ സോങ്‌ഷെനാണ് സ്കൂട്ടർ നിർമ്മിക്കുന്നത്.
മറ്റേതൊരു മാക്സി-സ്കൂട്ടറിനെയും പോലെ, W-മോടോ RT3 വലുതും ആകർഷകവുമാണ്. ഇതിന് മുൻവശത്ത് ഉയരമുള്ള വിൻഡ്‌സ്ക്രീൻ, സംയോജിത എൽഇഡി ഇൻഡിക്കേറ്ററുകളുമായി ജോടിയാക്കിയ സ്‌പോർടി എൽഇഡി ഹെഡ്‌ലാമ്പ്, പത്ത് സ്‌പോക്ക് അലോയി വീലുകൾ എന്നിവ ലഭിക്കുന്നു.പിന്നിൽ, വിശാലമായ എൽഇഡി ടെയിൽ ലാമ്പും ലഗേജ് മൗണ്ട് പ്ലേറ്റും സ്കൂട്ടറിൽ കാണാം. മാറ്റ് ഗ്രേ, ഗ്ലിറ്ററി ബ്ലൂ, റെഡ് എന്നിങ്ങനെ മൂന്ന് കളർ ഓപ്ഷനുകളിലാണ് ഇത് വാഗ്ദാനം ചെയ്യുന്നത്.സവിശേഷതകളെ സംബന്ധിച്ചിടത്തോളം, ആവശ്യമായ എല്ലാ വിവരങ്ങളും പ്രദർശിപ്പിക്കുന്ന ഒരു സെമി ഡിജിറ്റൽ ഇൻസ്ട്രുമെന്റ് ക്ലസ്റ്റർ RT3 -ക്ക് ലഭിക്കുന്നു.
റെഡ്, പർപ്പിൾ, ഓറഞ്ച്, ബ്ലൂ, യെല്ലോ, വൈറ്റ് എന്നിങ്ങനെ ആറ് കളർ ഓപ്ഷനുകളുമായാണ് ഈ ഡിസ്പ്ലേ വരുന്നത്. രണ്ട് ബാക്ക്‌ലിറ്റ് യുഎസ്ബി പോർട്ടുകളും കീലെസ് ഇഗ്നിഷനുള്ള ഒരു സ്മാർട്ട് കീയും പാക്കേജിൽ ലഭിക്കുന്നു.ക്രമീകരിക്കാവുന്ന ബ്രേക്ക് ലിവറുകൾക്കൊപ്പം റൈഡറിന് മികച്ച പിന്തുണ നൽകുന്നതിനായി സ്കൂട്ടറിന് പിന്നിലേക്ക് നീളവും വീതിയുമുള്ള സീറ്റ് ലഭിക്കുന്നതിനാൽ എർഗോണോമിക്സും മികച്ചതാണ്.എൽഇഡി ലൈറ്റംഗ് ലഭിക്കുന്ന അണ്ടർ‌സീറ്റ് സ്റ്റോറേജിന് ഹെൽമെറ്റ്, റെയിൻ‌കോട്ട്, വ്യക്തിഗത വസ്തുക്കൾ എന്നിവ സംഭരിക്കാൻ കഴിയുമെന്ന് നിർമ്മാതാക്കൾ അവകാശപ്പെടുന്നു.
