പത്തനംതിട്ട: ചിറ്റാറില് വനം വകുപ്പ് കസ്റ്റഡിയിലിരിക്കെ മരിച്ച മത്തായിയുടെ കേസില് വനം വകുപ്പ് ഉദ്യോഗസ്ഥരെ പ്രതിചേര്ത്ത് പൊലീസ് അന്വേഷണ റിപ്പോര്ട്ട് സമര്പ്പിച്ചു. റാന്നി കോടതിയിലാണ് പൊലീസ് അന്വേഷണ റിപ്പോര്ട്ട് സമര്പ്പിച്ചത്.
അതേസമയം വനം വകുപ്പ് കസ്റ്റഡിയില് മരിച്ച മത്തായിയുടെ മൃതദേഹം സംസ്കരിക്കാതെയുള്ള കുടുംബത്തിന്റെ പ്രതിഷേധം 17 ദിവസത്തിലേക്ക് കടന്നിരിക്കുകയാണ്. ആരോപണ വിധേയരായ മുഴുവന് വനംവകുപ്പ് ഉദ്യോഗസ്ഥരെയും അറസ്റ്റ് ചെയ്യാതെ മൃതദേഹം സംസ്കരിക്കില്ലെന്ന നിലപാടിലാണ് കുടുംബം.