മലയാളത്തിലെയും തമിഴിലെയും പ്രിയനായികമാരായ ശോഭന, രേവതി, സുഹാസിനി മണിരത്നം, കനിഹ, നിത്യ മേനോൻ, രമ്യ നമ്പീശൻ, അനു ഹാസൻ, ജയശ്രീ തുടങ്ങിയവരും ഗായിക ഉമ അയ്യരും ഒരുമിച്ച സംഗീത ആൽബം ശ്രദ്ധനേടുന്നു. മാർഗഴി തിങ്കൾ എന്ന തമിഴ്ഗാനം ഈ സംഗീത ആൽബത്തിലൂടെ പുനരാവിഷ്കരിച്ചിരിക്കുകയാണ് സുഹാസിനി. സുഹാസിനി തന്നെയാണ് നിർമാണം.
ഉമ അയ്യർ, രേവതി, നിത്യ മേനൻ, രമ്യ നമ്പീശൻ, അനു ഹാസൻ, കനിഹ, ജയശ്രീ, സുഹാസിനി മണി രത്നം എന്നിവർ പാടുമ്പോൾ പാട്ടിന് അനുസരിച്ചുള്ള നൃത്തച്ചുവടുകളുമായി ശോഭന സ്ക്രീനിൽ നിറയുന്നു. ഇന്നലെയാണ് സുഹാസിനി സംവിധാനം ചെയ്ത ഈ ആൽബം റിലീസിനെത്തിയത്. തിരുപ്പാവെയുടെ ഗാനം പുനരാവിഷ്കരിക്കാനായ സന്തോഷത്തിലാണ് താരങ്ങൾ.
