കൊച്ചി : മാവോയിസ്റ്റ് നേതാവ് രൂപേഷിനെതിരായ മൂന്ന് കേസുകളിലെ രാജ്യദ്രോഹ കുറ്റവും, യുഎപിഎ വകുപ്പും ഹൈക്കോടതി റദ്ദാക്കി. വളയം കുറ്റ്യാടി പൊലീസ് സ്റ്റേഷനുകളില് രജിസ്റ്റര് ചെയ്ത കേസിലെ വകുപ്പുകളാണ് ഹൈക്കോടതി റദ്ദാക്കിയത്.
യുഎപിഎ കേസുകളില് പ്രോസിക്യൂഷന് അനുമതി നല്കുന്നതില് സര്ക്കാര് നാല് മുതല് ആറ് മാസംവരെ കാലതാമസം ഉണ്ടാക്കിയെന്ന് കോടതി കണ്ടെത്തി. യുഎപിഎ ചുമത്തുന്നതിന് 14 ദിവസത്തിനകം പ്രോസിക്യൂഷന് അനുമതി തേടണമെന്നാണ് വ്യവസ്ഥ.
2016 മുതല് കസ്റ്റഡിയിലുള്ള തന്റെ കേസുകളില് പ്രോസിക്യൂഷന് അനുമതി വൈകുന്നത് ചോദ്യം ചെയ്തും കുറ്റമുക്തനാക്കണമെന്നും ആവശ്യപ്പെട്ടാണ് രൂപേഷ് പുനഃപരിശോധന ഹര്ജി നല്കിയത്. ഈ ആവശ്യം നേരത്തെ സെഷന്സ് കോടതി തള്ളിയതിനെ തുടര്ന്നാണ് ഹൈക്കോടതിയെ സമീപിച്ചത്.