പാലക്കാട്: അട്ടപ്പാടി മഞ്ചക്കണ്ടി വനത്തില് തണ്ടര് ബോള്ട്ട് സംഘവും മാവോയിസ്റ്റുകളും തമ്മില് വീണ്ടും ഏറ്റുമുട്ടല് നടന്നതായി റിപ്പോര്ട്ട്. മേഖലയില് നിന്ന് തുടര്ച്ചയായി വെടിയൊച്ചകള് കേട്ടതായി മഞ്ജിക്കണ്ടി ഊരുനിവാസികള് പറഞ്ഞു.
അതേസമയം കഴിഞ്ഞദിവസം കൊല്ലപ്പെട്ട മാവോയിസ്റ്റുകളുടെ മൃതദേഹങ്ങളുടെ ഇന്ക്വസ്റ്റ് ആരംഭിച്ചിട്ടുണ്ട്.
തിങ്കളാഴ്ച രാവിലെ തണ്ടര് ബോള്ട്ടും മാവോയിസ്റ്റുകളും തമ്മിലുണ്ടായ ഏറ്റുമുട്ടലില് സ്ത്രീയുള്പ്പെടെ മൂന്നു മാവോയിസ്റ്റുകള് കൊല്ലപ്പെട്ടിരുന്നു. തമിഴ്നാട് സ്വദേശി കാര്ത്തി, കര്ണാടക സ്വദേശികളായ സുരേഷ്, ശ്രീമതി എന്നിവരാണു കൊല്ലപ്പെട്ടത്.
കഴിഞ്ഞ ദിവസത്തെ ഏറ്റുമുട്ടലില് മാവോയിസ്റ്റുകളില് ചിലര് വനത്തിനുള്ളിലേക്ക് ചിതറിയോടിയെന്ന് റിപ്പോര്ട്ടുകളുണ്ടായിരുന്നു. ഇവര്ക്കുള്ള തിരച്ചിലാണ് തണ്ടര് ബോള്ട്ട് സംഘം നടത്തുന്നത്.