മന്ദാരത്തില്‍ ഫ്രീക്കന്‍ ലുക്കില്‍ ആസിഫ് അലി. പുതിയ പോസ്റ്ററിലാണ് ഗിറ്റാര്‍ വായിച്ചുകൊണ്ടിരിക്കുന്ന ആസിഫ് അലിയുടെ ലുക്ക് പുറത്തുവിട്ടത്. കൗമാരക്കാരന്റെ വേഷത്തിലാണ് ആസിഫ് അലിയെ കാണാന്‍ കഴിയുക. ആസിഫ് അലി അഞ്ച് ഗെറ്റപ്പുകളില്‍ എത്തുന്ന ചിത്രത്തില്‍ മെക്‌സിക്കന്‍ അപാരതയിലൂടെ മലയാളികള്‍ക്ക് സുപരിചിതയായ മേഘ മാത്യൂസാണ് നായികയാകുന്നത്.
ചിത്രത്തില്‍ ഹരിശ്രീ അശോകന്റെ മകന്‍ അര്‍ജുന്‍ അശോകന്റെ നായികയായാണ് മേഘ എത്തുന്നത്. കൗമാരം മുതല്‍ 32 വയസു വരെ വ്യത്യസ്ത കാലഘട്ടങ്ങളിലൂടെ പോകുന്ന കഥാപാത്രമാണ് ആസിഫ് കൈകാര്യം ചെയ്യുന്നത്.
ചിത്രത്തില്‍ ജേക്കബ് ഗ്രിഗറി, ഭഗത് മാനുവല്‍ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. മാജിക്ക് മൗണ്ടെന്‍ സിനിമാസ് പ്രൊഡക്ഷന്‍സില്‍ ഒരുങ്ങിയ ചിത്രം ഉടന്‍ തിയേറ്ററുകളിലെത്തും. തൃശൂര്‍, എറണാകുളം, വാഗമണ്‍, പോണ്ടിച്ചേരി, കൊല്‍ക്കത്ത എന്നിവിടങ്ങളിലാണ് മന്ദാരം ചിത്രീകരിച്ചിരിക്കുന്നത്.
