കണ്ണൂര്: കണ്ണൂരില് നിരീക്ഷണത്തില് കഴിയവെ മരിച്ച മുഴപ്പിലങ്ങാട് സ്വദേശിയുടെ കൊവിഡ് ഫലം നെഗറ്റീവ്. പരിയാരം മെഡിക്കല് കോളജ് ആശുപത്രിയില് ചികിത്സയിലായിരുന്ന മുഴപ്പിലങ്ങാട് സ്വദേശി ഷംസുദ്ധീനാണ് ഇന്ന് മരിച്ചത്.
തലച്ചോറിലെ രക്തസ്രാവമാണ് മരണ കാരണം. മെയ് 24 നാണ് ഇയാള് ഗള്ഫില് നിന്നെത്തിയത്. സംസ്കാരം തലശ്ശേരി സ്റ്റേഡിയം ജുമാ മസ്ജിദ് ഖബര്സ്ഥാനില് നടക്കും.
അതേസമയം എടപ്പാളിലെ രണ്ടു ആശുപത്രികളിലായി പരിശോധന നടത്തിയ 680 പേരില് 676 പേരുടെ ഫലം നെഗറ്റീവായി.
ഒരു വയസുള്ള കുട്ടിക്ക് ഇന്നലെ രോഗം സ്ഥിരീകരിച്ചിരുന്നു. ഇനി ഫലം വരാനുള്ളത് മൂന്നു പേരുടേതാണ്. ഇവര്ക്ക് പൊസിറ്റീവെന്ന് സൂചനയുണ്ട്. ഇവരെ മൂന്നു പേരെയും ഇന്നലെ വൈകിട്ടോടെ മഞ്ചേരി മെഡിക്കല് കോളേജ് ആശുപത്രിയിലേക്ക് മാറ്റിയിരുന്നു.
അതേസമയം മലപ്പുറം ചീക്കോട് കൊവിഡ് ബാധിച്ച യുവാവ് നിരവധി പേരുമായി സമ്പര്ക്കം പുലര്ത്തിയെന്ന വിവരവും പുറത്തുവന്നു. ജൂണ് 18-ാം തിയതി ജമ്മുവില് നിന്നും വന്ന യുവാവ് ക്യാറന്റീന് ലംഘിച്ച് നിരവധി കടകളില് കയറിയിരുന്നു. കട അടക്കാന് ആരോഗ്യവകുപ്പ് നിര്ദ്ദേശിച്ചിട്ടുണ്ട്.